Galatia 6
6
Heb nongen le dogi asu Kristen.
1Mu ndere hian, ar homo gin hanguruen momen, i gin hinen longu hendr momen, i gin los, hian mu ndramed, Meluan Helian i da le bergolmu, osbani ndern i da gin los, mbue gdieni i roud, hanguruen hian le aden. Gobgulue meluam, debosan uo glos, dege i gin los. 2Osbani homo ma homo, sab longu ad ndern beruan, ar mu hinen dagara, mu hanguruen nongen ad Kristo, mu ghinen i monen ge. 3Ar homo i hanguruen i hom labenen ge, i hom labenen ndangen bui, i molhege i bahilou meluan ge gleri. 4Homo ma homo ir bogulue longu aden ge, boen i danen bergoln, i de mugueni bern aden le bormarsu masi bui. 5Homo ma homo i bo mburer le bern aden ge. 6Ar homo i henunuen uo le nongen ad Jehova, hanguruen ndremda hernou gle memrad adem dagara lie. 7Mbue bahilou meluam, mbue hal ad Jehova, hom ndramed ber boan i hedi longu hendre e hendre le beleng aden, i da gin daui ri hanu. 8Ar homo i gin daui longu hendre e hendre ber sengen ge, aga mbugei momen i da reg le beleng aden, gan anen momen ge, i na gmed gleri. Ar homo i daui begen ad Meluan, i ogo i reg le beleng aden, gan anen hian ge, i mamaren gleri sidesi. 9Mandrmu i de berad bui le bo mburer hian monen ge. Bersi muren be iou de gin melmal bui, dandu hedi longu hendre e hendre ber beleng adu. 10Malabo i rang hian ge, hian iou gob mburer monen, iou osbani su ndere homo ma homo dege dandu hinen i, hanu le ndro su lao ad Jesu, su da gin boro ndoui aden dege iou gorbo.
11E lele, io gin hondre le ndro mu hian ge, nemo gin hondre le ndro mu nongen ogo. 12Su masi su hanguruen longu hendre e hendre ber boan ge, su hanguruen su labenen ge, su ha leng sindrdi mandrmu, su ha noh beldigei ad Kristo, su mbueresu, ngendian ad Kristo. 13Gelman ad Jehova ber goru i da ndro su, su de hinen nongen ad Mose bui, su ha lengi i, mu ibdi gelman ber goru, su ha lengi i, su ndramed gabmugueni su le mburer, su da gin hinen ndro mu. 14Io ge, io de dono mugueni longu hendre e hendre ber boan bui. Longu hendre ge io beg mugueni i: Beldigei ad Ndorlaben adu Jesu Kristo, beldigei ogo gin dadhe longu masigane le gei ad Kristo, io homo asu bui, io dege homo su gin dadhe i le gei. 15Ar homo gin ibdi gelman ber goru, de i de gin ibdi i bui, aga longu molhege. Ar homo gin ibdi bern houen, aga i hian ge. 16Su ge, su horuan su mamaren, su da hanguruen nongen ogo: Glug mandri ad Jehova i gmeher ndro su, ma gahaloseli ad Ndorlaben i da ge ndro su, gle ndro su masi, su Israel ad Jehova hohunan. 17Mbue daui heb longu beruan me ndro io bersilie, e lele, gelman ad Ndorlaben Jesu i do da le mondro. 18Golnisden ad Ndorlaben adu Jesu Kristo i da gle meluamu mu ndere hian. Amen!
Obecnie wybrane:
Galatia 6: LLENT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by the British and Foreign Bible Society 1956