Galatia 5
5
1Kristo gin rumburdi du hian, mu ndoa ge, debosan homo ir ndounen mu, mu lao dandendegei asu. 2Ha hirong i, io Paulus, io vong le ndro mu: Ar mu ha somui, be su sindrdi mandrmu, aga gelman asu lao ad Jehova ber goru, Kristo gina molhege le ndro mu. 3Io vong bersilie le ndro homo ma homo, i ha somui be su sindrdi mandrn: I ghinen nongen ad Mose masi sumburdi. 4Mu da baghege ndro ge monen gle mburer ademu hian ge, ar mu bogulue Kristo bui, mu gin bieni i, ar mu hanguruen mu na nongen ad Mose. Golnisden ad Jesu i da ndro mu bui. 5Iou belengeni gle memrad adu ber lang, gle ndoui ad Kristo, iou na ge monen gle ndoui ad Meluan Helian. 6Ar homo i da baghege ndro Jesu Kristo, Jehova i de hanguruen gelman ber goru bui, be su gin sindrdi mandrn de su gin sindrdi i bui, aga molhege. Ndorlaben i hanguruen longu hendr ge: Ar dandu boro ndoui ad Kristo, ar dandu bo mburer le golnisden aden ge. 7Mu gin irgai monen le sal ademu, sie gin rui mu mul, sie gin seslaini mu malabo, mu de delengan le nongen hian ber lang bugane? 8Aga mburer aden bui i da gin loh mu. 9Heb drib i bo mburer le flauer. 10Io dono gle ndoui ad Ndorlaben mu de belueni bern ademu gle momen bui. Ar homo beg seslaini mu, Ndorlaben i gob gord le ndro i. I hom labenen, de i hom ndramed molhege. 11Mu ndere hian, ar io bohernou longu ber goru, longu le sindrdi mandern, desa su bo iil me ndro io ie? Io de hanguruen longu le beldigei ad Kristo bui. 12Io ha lengi i, su ndramed, su da gin rui mu le momen dagara, su gina momen gleri.
Kristo gin rumburdi du gle nongen ad Mose.
13Mu ndere hian, Kristo gin rumburdi mu, i ha lengi mu mamaren ge, mbue hanguruen, malabo mu ad Kristo, danmu hinen longu hendr e hendr momen, danmu hanguruen longu ber sengen ge. 14Nongen masigane ber lo sagen i gbomud le nongen ogo. Golnisden nderm dege uo golnisden mandrm. 15Hendr ge, be homo ien homo dege su mui hinen i, hian bogulue meluamu, debosan mu gina momen sumburdi. 16Io hanguruen dagara: Irgai gle ndoui ad Meluan muren mu de somui hangungrou ber sengen bui. 17Sengen i bo iil le ndro Meluan, Meluan i bo bahun le ndro sengen. Sengen ad hom ndramed e Meluan sor bo iil hom le ndro homo. Sengen i mbueren mu ghinen longu ad Meluan, dege mu ha leng hinen i. 18Ar Meluan i rui mu nongen ad Mose i de ndoun ndro mu bui.
Sengen le logu momen ma sengen le Meluan Helian.
19Danmu longu ad sengen, hangungerou momen dege ogoro: Longu le sungsou, 20longu le dohor le ndro su beld, longu le poisen, longu le iil, nongen ber iil, gus. 21Be ndrnen i mah le ad homo, be i rii i, i daii su, longu hendre e hendre momen ber boan. Io gin bai le ndro mu le longu ogo momen, malabo io vong bersilie le ndro mu, ar homo i ghinen i, i de meher le gor lundielang bui. 22Mburer ad Meluan, aga mbuegei hian ber lang i dege ogoro: Ar homo i golnisden ge, ar homo i mugmug le longu hian, ar homo voaniso benu, ar homo ir belengen su, su heb ndoa bui, ar homo i hanguruen hian le bergoln, ar homo i sobani su le memrad aden, ar homo i hinen mburer aden hian monen ge. Ar hanguruen ad homo i hian ge, de danen bo iil roud bui, ar homo i bandri le longu hendre e hendre. 23Su da hanguruen dagara le bergoln, nongen ad Mose de danen dieni su bui. 24Su masigane su ad Kristo Jesu, su gin dadhe sengen asu ma hangungrou momen dagara lie.
25Be iou mamaren gle ndoui ad Meluan Helian, hian, iou girgai monen gle ndoui ad Meluan Helian. 26Mbue gob iil hom le ndro homo, mbue ndrnen i irgu hom le ndro hom.
Obecnie wybrane:
Galatia 5: LLENT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by the British and Foreign Bible Society 1956