Korint II 2
2
1Io mbuere, ndrno i gosusngo bersilie, be io gmeher ndro mu lie. 2Be ndrnemu i irgu me ordo, io ha mugmug le ademu derbe? Be ndrnemu i gosusngo, de danmu mugmug bui. 3Io gin hondre le ndro mu malabo longu masi, io da gin hanguruen, i monen ge. Io mbuere ndrnemu i gosusngo, be io gmeher ndro mu, io ha lengi, mu mugmug ge. 4Io gin hondre nongen ogo le rang momen manden, bergolo i ha noh dsoln, ndurmoro gin muh le boan. Ndangen io mbuere ndrnemu i gosusngo le nongen ordo, io ha lengi mu ilndri golnisden ordo le ndro mu, dege io gin bosilieni me ndro mu mabersanged.
5Be homo ademu gin hinen longu momen, ndrno ge i de irgu bui, ndrnemu masigane i gin irgu le longu aden momen (io mbuere dieni i). 6Su lao ad Jesu ber gor ademu gin bo gord le ndro i boen, aga i vonei. 7Hian golmu i ndud malabo longu aden momen, golmugisden i, hian, mu rederhi i, debosan i gina momen ge, be ndrnen i gosusngo manden le longu aden momen, i da gin hinen i. 8Io ha lengi, golmugisden i ge. 9Be io gin hondre le ndro mu, io ha leng seslaini mu ge, delengamu le nongen ordo masi de bui. 10Be golmu gin dud longu aden momen, dagara gol de la ri bugane, longu momen aden i da gin hinen i. Ndangen golo gin dud longu aden momen gle ndoui ad Kristo, le bormarn helian, 11debosan Satan i gob momen ndro du, dandu i ha leng bo momen le ndro du masigane.
12Be io gin meher le gor Troas, be io gin bohernou le ndro su nongen le Kristo, delengasu le nongen ad Ndorlaben. Io ha leng gsou. 13Be io gin ilndri, ndere Titus de gin meher me ndro io bui, io de dono hengang hebsa bui. Io gin bieni gor asu, io gin dogi le gor asu Masedonia. 14Iou bamugueni Jehova, i gin hinen du le lao dandendegei ad Kristo. Iou aden ge, su masi su bamugueni Ndorlaben, be su ilndri du, be su ilndri bern adu. 15Ndangen iou dege ndran ngohondonreen le ndro su lao ad Jesu, ma le ndro su, su na glos. 16Le ndro su, su da gina momen ge, bern adu i dege longu ber sengen, i da borah. Le ndro su, su ha somui le nongen ad Ndorlaben, iou dege ndran ngohondonreen, i da hinen su mamaren. Sie i vonei le mburer ogo? 17Iou de bo mburer ad Jehova le hanguruen surien ber boan bugane. Iou bo mburer ad Jehova le bergoln rosan, le hanguruen monen ge. Jehova gin rendegien du leri, iou bosoui nongen aden ge le bormarn ad Jehova, le ndoui ad Kristo.
Obecnie wybrane:
Korint II 2: LLENT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by the British and Foreign Bible Society 1956