Oseas 13
13
E zatrania katar o Israel
1Kana o Efrain dela orba
ogola viche asunena liubaimaia,
a o Efrain mulo kana cherdilo dosalo
soke blagosisarda e Baale.
2¡Ta ni mukel te cherel o bilachipe!
Katar lengo rup cheren delen
prema so mislin e llene kai radin ando rup.
Mapalal phenen:
¡Den le kurbanura!
ta e llene chumiden e delen kai si sargo guruv.
3Goleke ka aven sargo e tufina kai si thiarinako,
ta kana pechal peke rano ta llaltar,
sargo e char suki kai inllarel la o balav.#Sal 1.4; Jer 13.24; Os 13.3; Sof 2.2.
4A me sem cho Del
sar kana sana ando Ejipto.
Ni ka pinllare avere dele, sargo me,
ta ni ka pinllare avere braduimari,
samo man.#Ek 20.2; Is 43.11; 45.21.
5Me pinllardem tut ande phuv suki.
6A kana sea tumen but jape,
tumaro lio pherdilo katar o istardipe,
ta bristardepe mandar.#Dt 8.11-17.
7Goleke ka avav lenge sargo liono,
sargo leopardo ka aduricharel po drom.
8Ka likav sargo melleda
kai jasarde pe melledura minone,
ta ka zatriv lengo lio.
Sargo liono ka jav len isto kote,
sargo zivirinia divi, ka pharradav len.
9Jasailan, ioi Israel
a mande si cho pomozipe.
10¿Kaitalo cho charo,
te sai arakhel sa che foronen,
che krisarien, kai manglan le kana phendan:
De man charo ta gazda?#1 S 8.5-6.
11Ta diem tu charo ande murni joli,
ta ka lav le tutar jolinaia.#1 S 15.26; 10.17-24.
12O bilachipe katar o Efrain si pisime,
leko bilachipe gurudino.
13Ka avel leke dukha sargo kana iek diskinia si te maladol lake,
a o chavo si dilo
soke ollikana saia te thovelpe sar morabi
te sai biandol.
14Me ka bradui len katar o maripe.
Ioi meripe, me ka avav cho meripe.
Ta me ka avav chi zatrania, ioi Seol
Ni ka avel mange ios zalba
pe gala llene.
15Makar ka bariol o Israel sargo e char,
ka avel o balav katar e rig kai likel o kham,
o zuralo balav kai phurdel katar o pusto,
ta ka sukarel e bunaria ta e paia.
O dusmano ka lel lendar lenge sukar chea ta angrusta.
16E Samaria ka avel zatrime
soke vazdinaili po Del.
E jarnienchar ka mundaren len,
e minonen ka chuden len pe phuv
ta ka putaren e diskinien khamne.
Obecnie wybrane:
Oseas 13: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.