Oseas 12
12
1O Efrain jal balav,
sorro llive llal pala o balav
kai avel katar e rig kai likel o kham.
Leko kojaipe ta silnope suako drom si mai but,
achel po alav e asirionenchar,
ta inllaren o zeitino ando Ejipto.
2O Del ka krisil e Israele.
Ka dukhavel e foro katar o Jakob
prema leke ezgode bilache kai cherel.
3Omanglal te biandol, o Jakob cherdape kai saia po phlal,
ta kana saia baro pe zoriaia dobisarda e suecho.#Jen 25.26.
4Mardape iekhe suechoia, ta dobisarda le.
Rovda ta molisailo leke.
O Del malada le ando Bet el,
ta dia orba amenchar.#Jen 28.10-22; 32.24-26.
5O Gazda, o Del kai si le sa e zor.
¡Jeova si leko anav!
6Goleke Israel, irisao kai cho Del,
cher ezgode lache ta chache
ta suako drom thov chi vera ando Del.
7O Kanaan si lleno kai chinel ta bichinel,
ande po va si le pharipe kojamno,
drago leke te kojavel.
8O Efrain phenel gia:
¡Cherdilem barvalo,
maladem mange barvalipe,
niko nasti ka pukhavel man
kai cherdem me love
kojaimaia!
9A me sem o Gazda, cho Del
sar kana sana ando Ejipto.
Ka cherav te zivi pale ande chare
sargo kana sama ando pusto.
10Diem orba e profetonenge
ta cherdem te dikhen ios poroke sargo sune,
ta diem orba lenchar paramichaia.
11Ando Galaad si delen
delen kai inai len zivoto.
Ando Gilgal den kurbanura guruven.
Lenge altarura si samo umpa barreki
maskar o putardipe kai si ande umalia.
12A o Jakob naslo ande phuv katar o Aram, ta kote te sai zinilpe, cherdilo chobano.#Jen 29.1-20. 13Ta katar iek profeta, o Del ikanda katar o Ejipto e Israele, ta katar iek profeta arakhla le.#Ek 12.50-51.
14O Efrain joliarda e Devle
dia le bari joli,
goleke o Del ka cherel te pochinen o mundaripe kai cherde,
ta ka cherel te perel pe lende sa lengo bilachipe.
Obecnie wybrane:
Oseas 12: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.