Yohanes 18
18
Si Yesus tinangka'
(Mat. 26:47-56; Mrk. 14:43-50; Luk. 22:47-53)
1Kekawusai i Yesus sumombayang, Sia wo sé murit-Na mangé an lewet in doyongan Kidron. Am bitu awéan esa taman, si Yesus wo sé murit-Na mai an taman itu. 2Si Yudas, si tou eng kumianat si Yesus, makailek ka'i in tampa itu, ampa'paan si Yesus wo sé murit-Na makakeli-keli mali'us am bitu. 3Wo si Yudas mai an tampa itu ang karapi é sangareru' suraro wo sé mengatéir im Balé Le'nas sé airu'du é kikiiten é imam wo sé tou Farisi. Séra mai maali-ali in lantérna, obor wo lulutaw. 4Kailekano i Yesus pakasa sé mamuali oka an owak-Na, ampa'paan in ituo Sia rumior angé wo sumusut iséra. Wuéien-Na, “Si séi réén si paéré-érén iow?”
5Wo isowat éra a si Yesus, “Si Yesus a Nazaret owo.”
Icua i Yesus ai séra “Yakuo Sia.” Si Yudas si cumianat si Yesus, makatulung ka'i am bitu ang karapi éra. 6An tutuw i Yesus icumua ai séra, “Yakuo Sia,” séra im baya aicaundur wo care'ba an tana'. 7Wo wuéien-Na sumawel ai séra, “Si séi réén si paéré-érén iow?”
Wo isowat éra, “Si Yesus a Nazaret owo.”
8Icua i Yesus ai séra, “Aicua-Kuo ai camu, Yakuo Sia. Sa Yaku si paéré-érén iow, iwayao mio' sé murit-Ku anio' mangé.” 9Icua-Na in taniitu, akar malekepo sapa sé aicua-Nao. Tana'i sé aicua-Nao itu, “Pakasa sé tou sé aiwééo i Amang a Yaku, ra'ica wana mandé esake' tou en catala.” 10An tutuw itu si Simon Petrus maali-ali sa'bel, kémbutenna en sa'bel wo parakenna en lunteng kakan i esa ata i imam wangko' akar imapokol. E ngaran i ata itu Malkus. 11#Mat. 26:39; Mrk. 14:36; Luk. 22:42 Taan icua i Yesus a si Petrus, “Iwaléo mio' sumawel en sa'belmu itu. Aitantuo i Amang-Ku wosama' sangkumen-Ku eng kawenduan.#18:11 “Kawenduan”: An teks aseli aipatic “cawan”. Ang kanaramen é tou Yahudi, cawan ayandé i meta'up ing kawenduan itu wo ing kasalé'an i Amang Kasuruan. Tioo pakala-kalaanmu Aku mendam ing kawenduan itu.”
Si Yesus aiwali a si Hanas
12Kumawus in itu, si kikiiten é suraro Romawi wo sé suraro wo ka'i sé mengatéir im Balé Le'nas sé iparu'du' é kikiiten é agama Yahudi, tumangka' si Yesus wo wa'kesen éra. 13Iwali éra Sia kataré-taré a si Hanas, ampa'paan sia itu émpo i Kayafas si asi ta'un itu imamuali imam wangko'. 14#Yoh. 11:49-50 Si Kayafas anioo en sumangkumo sumina'u sé kikiiten é tou Yahudi tanu si anio', “Lébé loor esake' tou e maté wotaré pakasa sé tou Yahudi pakapaté-patén.”
Si Petrus sumangkal si Yesus
15Si Simon Petrus wo si esa murit walina ka'i mengii-ngiit an somoi i Yesus. Si murit walina anio' makatuus si imam wangko', anaé sia muntep mewali-wali wo si Yesus ang kintal im balé i imam wangko' itu. 16Taan si Petrus mento'ke' ang kesot an diit im papalen im pager. Wo si esa murit walina si makatuus si imam wangko' itu kumesot sumawel wo mepaar ang karapi i esa wéwéné si mengatéir im papalen pauntepan wo iwalina si Petrus muntep ang kintal im balé.
17Icua i ata wéwéné si mengatéir im papalen itu a si Petrus, “Ra'ica réén ico ka'i esaan asé murit i Tou itu?”
Wo isowat i Petrus ai sia, “Ra'ica yaku!”
18Asi wengi itu uting keli. Sé ata am balé itu wo sé tou sé mengatéir im Balé Le'nas, rumicet api am baa owo, wo séra tumulung an duru in api e nguméngé in owak. Wo si Petrus ka'i tumulung am bitu mewali-wali wo iséra e nguméngé in owak.
Si Yesus pemué-muéian i imam wangko'
19Wo tumo'tolo si imam wangko'#18:19 An tutuw itu si mamuali imam wangko' si Kayafas, taan ampa'paan si Hanas itu bekas imam wangko', penowa-nowan é tou sia “imam wangko'”. mamuéi a si Yesus andumoro' é murit-Na wo ka'i andumoro' in sususuien-Na.
20Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku. 21Kéitu réén wuéienmu en itu a Yaku? Wuéieno mangé a sé tou sé ilumingao in sususuien-Ku. Tantu, kailekano éra sapa sé aipasusui-Ku itu.”
22Kekawus i Yesus icumua in taniitu, awéan si esa tou matéir im Balé Le'nas makatulung am bitu sumepé' in amo i Yesus. Icuana, “Taniitu réén em ipakasowat-Mu a si imam wangko'?”
23Isowat i Yesus ai sia, “Sa suméa' en aicua-Ku itu, icuao mai sapa eng kaséaan-Ku itu. Taan sa en aicua-Ku itu wutul kéitu réén ko sumepé' Yaku?” 24Kumawus in itu, iru'du' i Hanas sé tou e makawali si Yesus a si imam wangko' Kayafas. An tutuw itu eng kama-Na pakawa'kesené'.
Makasapé' ka'i si Petrus sumangkal si Yesus
25An tutuw itu, si Simon Petrus makatulungé' mangéngé in owak an duru in api, wo icua é tou am bitu ai sia, “Raica réén ico ka'i esaan tou murit i Yesus?”
26Isangkal i Petrus, icuana, “Ra'ica yaku.”
Am bitu awéan ka'i si esa ata i imam wangko', sia itu poow i ata en luntengna pinarak i Petrus. Icuana, “Ico si tarépé' kinaséréanku an taman mewali-wali wo si Yesus?”
27Taan sinangkalke' i Petrus wo asi témpo ituke' tumarépé'anke'mai kumukuko mai si co'ko'.
Si Yesus an dior i Pilatus
28Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska. 29Ampa'paan in ituo si gubernur Pilatus kumesot wo meta'up wo iséra. Sia mamuéi, “Sapa réén en aitudu miow a si Tou anio'?”
30Isowat éra ai sia, “Sa Sia ra'ica tou léwo', ra'ica woo isarakan ami Sia a si tuang.”
31Icua i Pilatus ai séra, “Iwalio Sia icesot, wo akimeno mangé Sia iciit in atoran iow.”
Icua é kikiiten é tou Yahudi, “Ra'ica toro kami mukum si esaan tou em patén.” 32#Yoh. 3:14, 12:32 Aicua éra in taniitu wosama' lekepen en aicua i Yesus sa tumambisa Sia maté.
33Wo si Pilatus muntep sumawel an untep in istana gubernur, wo towanna si Yesus wo wuéienna, “Icoo réén si colano é tou Yahudi?”
34Isowat i Yesus, “Em binuéimu itu an atému owo in esa, kuma'pa awéan tou walina en icumua ai co andumoro' Yaku?”
35Wo icua i Pilatus, “Tou Yahudi réén aku? Sé tou-Mu in esa wo sé kii-kiiten é imam en sumarakano Ico a yaku. Sapao réén e niéma'-Mu?”
36Isowat i Yesus, “Eng Kakolanoan-Ku ra'ica asi cayo'baan anio'. Sa eng Kakolanoan-Ku asi cayo'baan anio', tantu sé makiit Yaku sumundur oka wosama' Aku ra'ica isarakan a sé tou Yahudi. Taan eng Kakolanoan-Ku ra'ica asi cayo'baan anio' owo.”
37Wo icua i Pilatus ai Sia, “Anaé, kolano réén Ko?”
Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”
38aIcua i Pilatus ai Sia, “Sapa réén en sususuien wutul itu?”
Si Yesus ukuman im patén
38bKekawus i Pilatus kumua in taniitu, sia kumesot sumawel an istana wo icuana a sé tou Yahudi am bitu, “Ra'ica wana eng kaséaan kinéréanku asi Tou itu. 39Taan iciit ing kanaramen iow, pengawekarku esa tou susur in endo wangko' Paska. Intarépé' icasalé' réén iow sa iwekarku si Colano miow tou Yahudi anio'?”
40Wo ayangko' érake', “Tioo si Tou itu! Iwekaro si Barabas!” Si Barabas itu tou mengarampok.
Obecnie wybrane:
Yohanes 18: TNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
En Taar Weru a nunuwu' é Tontemboan @ LAI 2018
