Josua 19
19
1KE ame āt dö kö Simeona ge leköp a loiny, hobi kâu tribuiny laku Simeona, hoton anyidrin je lap: ke haba jekhöûdrin, me, hnyi wanben jekhon laku Juda. 2Ke e hu gadrin hnân hwajekhöûdrin Bere-seba, me Seba, me Molada; 3me Hazara-sual, me Bala, me Azem; 4me Eletolad, me Bethuela, me Horema; 5me Zikelag, me Bethe-marekaboth, me Hazara-susa; 6me Bethe-lebaoth, me Saruen; thötin je taun me je tauniny ae ûhnyûkong: 7Aina, me Rimona, me Ethera, me Asau; foa je taun me je tauniny ae ûhnyûkong: 8me je taun hia ae ûhnyûkong igigilö je taun eling, ke ne o but Balatha-bere, wale Hamath ka hnyi hwaiöu. Wale jekhon tribu anyin laku Simeona hoton anyidrin je lap. 9Ûnyi hnyi jekhon laku Juda jekhon je laku Simeona: anyin a haba hna khenâ ka laku Juda e ti gan ködrin: anyin a wale laku Simeona ame hu idrin hnyi wanben jekhöûdrin.
10Ke ame āt dö ge leköp a kuniny ka laku Zebulona hoton anyidrin je lap: ke haba hnyigöulen jekhöûdrin ame o but Saridi; 11ke ame he hnyigöulödrin jio ke ne o but Marala, me he ke ne o but Dabaseth; me he bala ke ne o but hnyi wagewe cicö Jokeneama; 12ke ame khenyi ûheny Siridi me he deiö hnyi hna o hnen seûno, ke ne o but hnyi hnyigöulen Kiselotha-tabor; me ame he Daberath ai me he ke ne ʼ o but Jafia; 13ke ame he bala deiö ûheny e Gita-hefera ai, me Ita-kazin ai; ke ame, umo hnyi Rimona wale ame hûjâ me Nea; 14ke ame khenyi hnyigöulen igigilö e hnyi hwadrö ke ne o but Hanathon; ke ame um dö hnyi hnyigöulen bucen e Ifeta-ela; 15me Kata, me Nahalol, me Simerona, me Idala, me Bethe-leema: twelv je taun me je tauniny ae ûhnyûkong. 16Wale jekhon laku Zebulona hoton anyidrin je lap, a je taun eling me je taun ae ûhnyûkong.
17Ke ame hwâdâ thö kö Isakara ge leköp a vakiny hobi kâu je laku Isakara hoton anyidrin je lap. 18Ke haba hnyigöulödrin, me, Jezerela, me Kesulath, me Sunema; 19me Haferaim, me Sihon, me Anaharath; 20me Rabith, me Kiseon, me Abez; 21me Remeth, me Eni-ganim, me En-ada, me Bethe-pazes; 22ke ame o but hnyigot ka hnyi Tabora, me Sakazima, me Bethe-semes; ke adre umo hnyigöulödrin hnyi Joridano: sikstin je taun me je tauniny ae ûhnyûkong. 23Wale jekhon tribuiny laku Isakara, hoton anyidrin je lap, a je taun me je tauniny ae ûnyûkong.
24Ke ame hwâdâ thö ge leköp a thabûnginy ka tribuiny laku Asera hoton anyidrin je lap. 25Ke walang hnyigöulödrin, me, Helekath, me Hali, me Beten, me Akesafa; 26me Alamelek, me Amad, me Miseal; ke ame o ka hnyi Karemela e jio, me Sihora-libenath; 27kʼ ame khenyi ka hnyi hna o hnen seûno Bethe-dagona ai, me o ka hnyi Zebulona, me hnyigöulen bucen e Ifeta-ela ka hnyi hwadrö, ke ne o but Bethe-mek me Neiel; kʼ ame umo hnyi Kabul hnyi ke keihen hnyam a me, 28me Heberona, me Rehoba, me Hamona, me Kana, ke ne o but Zidona ae gan; 29ke ame khenyi hnyigot Rama ai ke ne o but Turo wale taun ae hwege; ke ame khenyi hnyigot Hosa ai; ke adre umo e hnyi köiö hnyi ke keihen hnyei Akeziba: 30me Uma, me Afeka, me Rehoba: a twente tu je taun me je tauniny ae ûhnyûkong. 31Ke wale jekhon tribuiny laku Asera hoton anyidrin je lap, je taun eling me je tauniny ae ûhnyûkong. 32Ke ame hwâdâ thö ge leköp a siksiny ka laku Nafatali, hobi kâu laku Nafatali hoton anyidrin je lap. 33Ke ame hwân dö hnyigöulödrin hnyi Helef, me iwajo hnyi Zananim, me Adami-nekel, me Jabenel, ke ne o but Lakom; me adre me umo e hnyi Joridano: 34ke ame khenyi hnyigot e jio Azenotha-tabora ai, ke ame he ûheny e Hukok ai; ke ame o ka hnyi Zebulona hnyi hwaiöu, me he Asera ai e jio, me Juda hnyi Joridano, hnyi hna o hnen seûno. 35Ke haba je taun adre up haginy, Zidim, me Zeri, me Hamath, me Rakatha, me Kinereth; 36me Adama, me Rama, me Hazora; 37me Kadesi, me Ederei, me Eni-hazora; 38me Irona, me Migedal-el, me Horema, me Beth-anath, me Bethe-semes; naintin je taun me je tauniny ae ûhnyûkong. 39Wale jekhon tribuiny laku Nafatali, hoton anyidrin je lap, je taun me je tauniny ae ûhnyûkong.
40Ke ame hwâdâ thö ge leköp a seveniny ka tribuiny laku Dana hoton anyidrin je lap. 41Ke haba hnyigöulen jekhöûdrin, Zorea, me Esetaol, me Ira-semes; 42me Salabin, me Ajalona, me Iethela; 43me Elona, me Timenatha, me Ekerona; 44me Eletek, me Gibethon, me Baalath; 45me Jehud, me Bene-berak, me Gatha-rimona; 46me Ma-jarekon, me Rakon, tha e me hnyigot cicö Jopa. 47Me adre me umo hnyigöulen laku Dana e hotudrin: anyin a haba laku Dana ödrin e he me vat me Lesem, me hûgûnâ e, me kot e ge hele vat, me hom e, me labā e, me hwenyi ien Lesem, me Dana, hoton iö Dana a kamödrin. 48Wale jekhon tribuiny laku Dana hoton anyidrin je lap, je taun eling me je tauniny ae ûhnyûkong.
49Ke ödrin e umo khenâ hnyei hnân hwajekhon hoton je hnyigöulen e; ke haba lakon Isaraela ödrin e ham kö Josua nöku Nuna ke jekhöû unyidrin: 50hoton hofuc ho Iehova me adre me ham kâu taun e ame ha, wale Timena-sera, hnyi hnyei ae hut hnyi Eferaima: me e ame otilâ taun me labā.
51Wale je hwajekhon a khene idrin ga Eleazara at bihut, me Josua noku Nuna, me je kamen je tribuiny lakon Isaraela, ge ugleköp hnyi Silo, hnyi hnyimakö Iehova, hnyi hwanumen uma ûkhacaköu. Ke adre me umo thö khenâ hnyei.
maintained by the British and Foreign Bible Society