Popularne wersety biblijne z Sɛ́nflínmɛ 4

Udostępnij

Hwenɛ́nu lo ɔ́, mi ná ba Mawu Mavɔmavɔ, Mawu mitɔn ɖo to énɛ́ lɛ́ɛ mɛ; ényí mi ka ba ɛ kpó ayi mitɔn bǐ kpó, kpódó linlin mitɔn bǐ kpó ɔ́, mi ná mɔ ɛ.

Nǔgbó ɔ́, Mawu Mavɔmavɔ, Mawu mitɔn ɔ́, Mawu nǔbláwǔkúnúmɛtɔ́ wɛ; é ná jó mi dó ǎ, é ná sú kún mitɔn dó ǎ, é ká ná wɔn akɔ e é jɛ xá tɔ́gbó mitɔn lɛ́ɛ é gbeɖé kpɔ́n ǎ.”

Đó Mawu Mavɔmavɔ, Mawu mitɔn ɔ́, zo e nɔ hɛn nǔ gblé é wɛ. É nɔ́ ba gbeɖé ɖɔ è nǐ sɛn nǔ ɖěvo zɛ éyɛ́ wú ǎ.

Mɔyízi ɖɔ: “Nǔ ɖokpó e mi ná bló é wɛ nyí ɖɔ mi ná nɔ acéjí, bɔ ayi mitɔn ná ɖo te hwebǐnu, bó má wɔn nǔ e nukún mitɔn lɛ́ɛ mɔ é ó. Mi kplɔ́n yě vǐ mitɔn lɛ́ɛ kpó vǐvú mitɔn lɛ́ɛ kpó.

Mi ní tunwun sín égbé, bó hɛn ayi mɛ ganjí ɖɔ Mawu Mavɔmavɔ ɖokpó géé wɛ nyí Mawu ɖo jǐxwé kpó dodomɛ kpó, bó tunwun ɖɔ Mawu ɖé kún sɔ́ ɖe zɛ éyɛ́ wú ó.

Mǐ ylɔ́ Mawu Mavɔmavɔ, Mawu mǐtɔn hweɖěbǔnu ɔ́, é nɔ́ sɔ nú mǐ a cé? Akɔta ɖaxó tɛ́ ká tíin tawun, bó ylɔ́ vodún tɔn ɔ́, é nɔ́ sɔ n'i mɔ̌?

Hwenu e nǔ e un ɖɔ nú mi lɛ́ɛ bǐ ná jɛ, bɔ mi ná ɖo aluwɛ mɛ ɔ́, mi ná lɛ́ kɔ wá Mawu Mavɔmavɔ, Mawu mitɔn gɔ́n, bó ná lɛ́ jɛ tónú se n'i jí.

Mi ma gɔ́ nǔ ɖěbǔ nú nǔ e Mawu Mavɔmavɔ, Mawu mitɔn zɔ́n mi bɔ un ɖɔ nú mi lɛ́ɛ é ó; mi ma ɖe ɖěbǔ kpo ó; mi zé bǐ dó wa azɔ̌ ná.