Popularne wersety biblijne z Matius 9

Udostępnij

Wali see naka Ia manganto’oka kami to anaguruNya, “Tau boros to tawa rapotundeka si’i maya raporapaka ewa pae to matasam to tawa rapota. Boros kojo pae to matasam pei taa boros tau to mampota. Wali porapika resi i Pue Allah anu Pue nu mpae etu see Ia damampokauka tau yau damamota see re’e tau to damampotunde tau boros etu.”

Wali tau madosa to nuto’o ngkomi etu, sira ewa tau to masaki to mamporani dokter. Pei ane komi, komi mampobuuka komi nempo taa rasawang taa mawei, apa komi madota kojo mangika pampue singkonong ewa porenta i mPue Allah. Pei gombo ngkomi ngena mampakanasaka Aku komi taa kojo mamporayang sa’e. Wali to tao-tao komi mampobuuka kojo pasi mampobatuangika gombo to ratulis ri raya ntuntu i mPue Allah to manganto’o, ‘Si’a pampue to mampakasanang rayangKu. Pamporayang semo.’ Wali pobuuka kojo batuanginya ayat to etu apa ewa wetu seja Aku. Apa Aku ma’i si’a ma’i mangansale tau to mampobuuka taa sala. Aku ma’i mangansale tau madosa see sira damajea. See naka Aku mangkoni sindara-ndara pei tau madosa etu.”

Wali boros kojo tau mampago Ia. Pei tempo Ia mangkita tau boros etu, Ia mamporayang kojo sira apa sira ewa domba to tare to pangkampanginya. Sira masusa pasi pura karoso ndayanya apa tare tau to mangararamaka sira.

Wali ojo pangandonge i Yesu gombo nsira manto’o maja’a tau etu, Ia mangaligi sira, Ia manganto’o, “Si’a tau to taa masaki mamporani dokter, pei tau to mangansani ia masaki, tau etu semo to rani nasawang ndokter.

Wali yako etu i Yesu yau malinja-linja njo’u samparia kota-kota pasi kampu-kampu nja’u ria. Ri raya mpalinjaNya etu Ia mampotundeka tau ri banua-banua to napampotunde nsira. Ia mampakarebaka sira kareba matao mangkonong ewa wimba i Pue Allah damawali Makole nto lino. Pasi Ia mampakatao muni samparia tau to masaki pasi to mayu’u wukunya, nempo panyaki to kesaa to re’e resi sira.