Popularne wersety biblijne z Matius 8

Udostępnij

Wali i Yesu manganto’oka sira, “Maka pei meka raya ngkomi? Kodi kojo pangaya ngkomi.” Yako etu i Yesu mambangu pei mamporentang ngoyu pasi bombang. Wali ngoyu pasi bombang etu mandoo yau, pasi rano etu mawali lindu kojo.

Pei kepala ntentara manganto’o, “O Pue, ne’emo Komi yau. Apa Komi bae kojo anggaMu, wali aku mangepe taa masipato Komi masua ri raya banuangku apa aku kodi anggangku. Pei Komi nempo ojo manganto’o gombo, to papolaongingku damatao muni.

Wali tempo i Yesu mangandonge gombo ngkepala ntentara etu, Ia ipu rayaNya mampobuuka pangayanya. Pasi Ia manganto’oka tau to mangalulu Ia, to’oNya, “Gete, tau si’i tau to si’a to Yahudi, pei Aku manganto’oka komi, monso pu’u Aku tawa mangarata pasiwa samba’a komi to Israel to ewa wetu karoso mpangayanya.

Wali ojo karoonya i Yesu manganto’oka tau gombo etu, Ia manganto’oka wo’u kepala ntentara, to’oNya, “Inta muni njo’u banuamu. Apa palaong to nuaya ngkomi etu damawali kojo.” Wali tempo etu semo to papolaong ngkepala ntentara etu rapakatao muni.

Wali anaguru i Yesu ipu kojo raya nsira pei masipotanaka samba’a pei samba’a, sira manganto’o, “Gete, sema kamonsonya tau si’i maka sakowa ngoyu pasi bombang mampalaika seja Ia?”