Popularne wersety biblijne z Matius 10

Udostępnij

Wali yako etu i Yesu manganto’oka wo’u kami to anaguruNya, to’oNya, “Padongeka gombongKu si’i. Aku mampokau komi yau mampakarebaka tau kareba matao. Pei tempo komi yau etu pakatao kojo apa komi ewa domba to yau ri oyo nu asu maila to maja’a kiranya. See naka matao ane komi mampotumbu lengko nu lago apa ia pande kojo. Pasi matao seja komi mampotumbu lengko ntagou apa ia tare mampakasusa tau.

Wali re’e tau to mampobuuka katuwunya semo to bae kojo batuanginya see naka sira taa mangalulu Aku naka ne’e nasesai ntau. Pei tau etu nempo taa napopate ntau apa saba mangalulu Aku pei tiroo darata temponya sira damate yau. Pei i sema tau to buya rayanya nempo mate yau apa saba ia mangaya Aku, tau etu damangarata katuwu to monso.”

“Wali ane tau, to ia nakurang mampopate yau, etu semo koro ngkomi, pei ia taa nakurang mampopate yau tonii ngkomi. Wali ne’e meka resi tau. Pei ane i Pue Allah, Ia re’e kuasa mampakaja’aka yau koro pasi tonii la’u apu naraka. Wali masipato komi mampalaika Ia pasi manga’angga Ia, pei ne’e mampokeka tau.

Pasi i sema tau to bo’onya ewa mampopate yau pamporani ndaya to si ia pei mangalulu Aku, tau etu taa seja masipato mawali Aku puenya. Wali tempo tau mampopate yau pamporani ndaya to si ia, to etu maya raporapaka ewa mamposa’a kaju pasape to darapake damampopate yau ia.

“Wali i sema-sema tau to mampongakung ri tango ntau boros, manganto’o, ‘Aku mangalulu i Kerisitu,’ tau etu daKupongakung seja ri tango mPa’angKu ndate saruga, manganto’o, ‘Tau etu monso pu’u mangalulu Aku.’ Pei i sema-sema tau to mamposapuka Aku ri tango ntau boros, manganto’o, ‘Aku taa mangalulu i Kerisitu,’ ane ewa see Aku damamposapuka seja tau etu ri tango mPa’angku ndate saruga, pei manganto’o, ‘Tau etu taa kojo mangalulu Aku.’ Ewa wetu to Aku damanganto’oka Pa’angKu.”

Pasi ri raya mpalinja ngkomi, pakatao muni tau to masaki, patuwu muni tau to matemo, pakayongo muni tau to masaki malobo, pasi rubak measa yako resi tau to raposuak. Wali samparia kuasa etu komi mangantima taa rabayar, wali tempo komi mangampake kuasa etu mangansawang sa’e, ne’e seja komi marapi rabayar.

Wali ne’e meka mampobuuka bara kesaa to damawali resi komi ri lino si’i, apa komi semo to bae-bae batuanginya resi i Pue Allah sakowa dena to boros kojo, wali Ia damangararamaka katuwu ngkomi.

Wali yako etu i Yesu manganto’o wo’u, to’oNya, “Apa saba Aku ma’i ri lino, see naka malagi tau to taa maroo masingkatao pei yunu nsira samba’a pei samba’a. Kasimbalinya yako etu, sira sangkani matingka.