Popularne wersety biblijne z GŨCOKERITHIA MAATHANI 4

Udostępnij

No rĩrĩ, mwĩ kũu, mũngĩkarongoria Jehova Ngai wanyu, mũmũrongorie na ngoro yanyu yothe, o na muoyo wanyu wothe, nĩmũkamuona.

nĩ gũkorũo Jehova Ngai waku nĩ Ngai wĩ tha mũno; ndagagũtigĩrĩra, kana akũnine biũ, kana ariganĩrũo nĩ kĩrĩkanĩro kĩrĩa aarĩkanĩire na mathoguo, agĩkĩrĩkanĩra nao na mwĩhĩtwa.

Nĩ gũkorũo Jehova Ngai wanyu atariĩ ta mwaki ũrĩa ũninanaga, na nĩ Mũrungu wĩ ũiru.

No rĩrĩ, wee kĩria o kwĩbarĩrĩra, o na ũmenyagĩrĩre ngoro yaku na kĩyo, nĩ getha ndũkae kũriganĩrũo nĩ maũndũ marĩa monirũo nĩ maitho maku, matikanoime ngoro-inĩ yaku matukũ mothe ma muoyo waku; no rĩrĩ, mamenyithagie ciana ciaku, o na ciana cia ciana ciaku.

Tondũ ũcio menya ũmũthĩ, o na ũige maũndũ macio ngoro-inĩ yaku, atĩ Jehova nĩwe Ngai ũrĩa wĩ kũrĩa igũrũ matu-inĩ, o na gũkũ thĩ mũhuro warĩo; gũtirĩ ũngĩ o na ũrĩkũ.

Nĩ ũndũ-rĩ, nĩ rũrĩrĩ rũrĩkũ rũnene rũĩ na ngai yaruo ĩrũkuhĩhĩirie, o ta ũrĩa Jehova Ngai witũ atũkuhagĩrĩria mahinda marĩa mothe twamũkaĩra?

Na rĩrĩ, hĩndĩ ĩrĩa ũgakorũo nĩ mathĩna nĩ gũkinyĩrĩrũo nĩ maũndũ macio mothe, nĩũgacokerera Jehova Ngai waku matukũ marĩa ma kũrigĩrĩria, wathĩkĩre uuge wake

Ũhoro ũrĩa ndĩmwathĩte-rĩ, mũtikanawongerere, kana mũũnyihanyihie, nĩ getha mũtũũre mũmenyereire maathani ma Jehova Ngai wanyu, marĩa ngũmwatha.