Popularne wersety biblijne z Maˬkuˆ 13

Udostępnij

Naw maꞈ ngaˬ-ahˇ jah-eu baˬ da neh, tsawˇ haˬ yawˬ gʼaˬ na luꞈ naw maꞈ-ahˇ bye tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ ka kʼoꞈ-eu jeˬ za tehꞈ-a.

Aˇ yamˬ kʼoeˇ aˬ geu ngeh keuˆ le-eu naw maꞈ maˬ siˬ nya-eu miˇ neh, yaw gahˇ gahˇ-ehˇ dehꞈ-awˇ, yaw beuˇ beuˇ-ehˇ jawˇ-awˬ.

Naw maꞈ-ahˇ aˬ cawˬ paꞈ-awˇ yaˇ kʼaˬ daˇ-eu saˇ naˇ-ahˇ tsahˇ gʼeh ngeh, aˬ joˆ-ehˇ ya ngehˬ ya tmˇ-eu gaˇ kawˆ aˇ yamˬ maˬ keuˆ laˇ mi naˆ-ehˇ kʼahˬ taˬ lahˇ. Aˇ yamˬ keuˆ laˇ ngeh, naw maꞈ-ahˇ kʼaˇ bi ngehˬ-euˬ jeˬ ngehˬ-awˬ. Aˬ jeˬ miˇ neh ehˇ naˇ, naw maꞈ ya ngehˬ-eu dawˬ kʼoeˇ-aˬ, naw maꞈ-euˬ dawˬ maˬ ngeuˇ-a. Muiˬ-eu shawˇ-eu Yaw sahˇ Miˬyehˇ-euˬ dawˬ meh.

Mˬ hawˇ-eu miˇ maˬ jaˆ coeˇ-ehˇ byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

“Aˇ nah aˇ yamˬ kʼoeˇ aˬ geu ngeh keuˆ le-eu tsawˇ haˬ tiˬ gʼaˬ-iˬ maˬ siˬ nya-a. Mˬ taˆ gʼaˬ kʼehˇ deuˬ maˬ ehˇ, Zaˬ maˇ maˬ ehˇ, maˬ siˬ nya-a. Aˬda Miˬyehˇ tiˬ gʼaˬ tehꞈ-ehˇ siˬ nya-eu meh.

Dawˬ peh guiˇ deuˆ luꞈ-eu teˇ saˇ hawˇ-eu, gaˇ mahˇ kaˬ gaˇ guiˇ deuˆ luꞈ-eu gaˇ kawˆ naw maꞈ ya gaˬ ngeh, taˬ tsawˬ guˆ-iˇ. Kʼoeˇ loꞈ-ehˇ gʼeh-eu jeˬ yaw beh keu le tehꞈ-a. Ehˇ kʼawꞈ, aˇ saˬ saˬ-eu aˇ yamˬ keuˆ le-euˬ maˬ ngeuˇ-a siˬ.

Nymˇ sahˇ gʼaˬ gʼoꞈ laˇ-eu aˇ yamˬ naw maꞈ maˬ siˬ nya-eu miˇ neh, noeˬ gahˇ-awˇ jawˇ-awˬ. Uˬ ciꞈ uˬ taw paw maˬ siˬ. Sehˇ gʼahˇ ceh laˇ ngeh maˬ siˬ. Naw maꞈ maˬ noeˬ gahˇ naˇ, aˬ yawꞈ ja pyuˬ ni gʼoꞈ keuˆ le ngeh, naw maꞈ yuꞈ kʼaˆ luꞈ gaˇ zaˬ leˇ tehꞈ-a. Ngaˇ naw maꞈ-ahˇ ehˇ-eu heu, tsawˇ haˬ dawˬ tawˆ luꞈ-ahˇ ehˇ-eu ma. Yaw beuˇ beuˇ-ehˇ jawˇ-awˬ.”

Miˇ kʼahˬ tiˬ kʼahˬ tiˇ kʼahˬ guiˇ deuˆ-awˇ, tsawˇ jeuˬ tiˬ jeuˬ tiˇ jeuˬ ceh tehꞈ-a. Yawˬ gaˇ na luꞈ miˇ luˆ luˆ-awˇ, mehꞈ-eu shuꞈ-eu jeˬ keuˆ le tehꞈ-a. Heu deuˬ dawˬ tawˆ luꞈ, zaˬ baw-eu lehˇ gʼeh ngeh uˬ maˆ naˇ dahˬ beh laˇ-euˬ loꞈ-ehˇ tehꞈ-a siˬ.

Ehˇ kʼawꞈ, aˇ saˬ saˬ-eu aˇ nah aˇ yamˬ maˬ keuˆ le mi naˆ-ehˇ, tsawˇ haˬ dawˬ tawˆ luꞈ-ahˇ laˬ kʼaˬ cehˇ-eu guiˬ lahˬ dawˬ ya mehˬ doe tehꞈ-a.

Ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ a yawꞈ ma’ lehˇ ehˇ-eu laꞈ kʼoeˇ, tsawˇ haˬ gʼawˬ mya ni-ahˇ gaˇ ma sheuˬ bahˬ tehꞈ-a.

“Naw maꞈ yaw gahˇ gahˇ-ehˇ ya dehꞈ meh. Naw maꞈ-ahˇ aˬ cawˬ paꞈ-awˇ, yaˇ kʼaˬ daˇ-eu saˇ naˇ-ahˇ tsahˇ gʼeh tehꞈ-a. Uˬ duˬ tahˬ nymˇ laꞈ kʼoeˇ naw maꞈ-ahˇ aˬ cawˬ diˬ tehꞈ-a. Naw maꞈ ngaˬ-ahˇ jah-eu jeˬ baˬ da neh, sahˬ paˬ sahˬ ma deuˬ mehˬ shi naw maꞈ ya yawꞈ leˇ-awˇ, saˇ kiˇ ya kamˬ tehꞈ-a.

Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ oe doˆ tehꞈ-a. Aˬ yawꞈ maꞈ zahˬ leˇ paˬ-ehˇ gʼeh-eu jeˬ hawˇ-eu, kʼaˆ jehˬ-ehˇ gʼeh-eu jeˬ jahˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ, mehˇ shuiˇ shuiˇ tawˆ-awˇ gaˇ ma sheuˬ bahˬ gʼeh tehꞈ-a.

Guˆ-eu gaˆ-eu aˇ nah aˇ yamˬ kʼoeˇ dzeuˇ-iˇ ngeh jawˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.