Popularne wersety biblijne z Maˬkuˆ 12

Udostępnij

Yeˬsuˇ ehˇ-eu, “Aˬ cawˬ naˆ maˬ tseˇ huiˬ dzehˬ-eu dawˬ-aˬ, heu dawˬ meh. ‘Iˇsaˬleˬlaˆ tsawˇ haˬ deuˬ-oˇ, naˇ haˬ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ tehꞈ-ehˇ Sahˬpaˬ meh. Nawˬ-euˬ nui ma dawˬ tawˆ luꞈ, nawˬ-euˬ saꞈ laˇ dawˬ tawˆ luꞈ, nawˬ-euˬ nui noeˬ nui duˇ dawˬ tawˆ luꞈ, nawˬ-euˬ gʼaˬ dawˬ tawˆ luꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.’ Aˬ cawˬ naˆ maˬ tseˇ huiˬ dzehˬ-eu nyiˬ dawˬ tiˬ dawˬ-aˬ, heu loꞈ-ehˇ meh. ‘Nawˬ-euˬ gʼawˇ mawˇ-ahˇ gaˬ-eu loꞈ-ehˇ, nawˬ-euˬ dawˬ peh jawˇ-eu tsawˇ haˬ-ahˇ gaˬ-awˬ.’ Heu nyiˬ dawˬ naˆ maˬ tseˇ huiˬ dzehˬ-eu zahˇ dawˬ kʼoꞈ dawˬ maˬ paˇ jaˆ meh.”

Kʼoeˇ ngeh, aˬ yawꞈ-euˬ zaˬ lahˇ deuˬ-ahˇ aˬ yawꞈ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Shaˬ dui dui-eu miˬ coeˬ miˬ ma heu gʼaˬ-aˬ, pyuˇ daˬ kʼaˇ dawˆ laˇ-euˬ tsawˇ haˬ dawˬ tawˆ luꞈ laꞈ kʼoeˇ, aˬ cawˬ myaˆ maˬ tseˇ damˬ-euˬ gʼaˬ pyeuꞈ-eu meh. Aˬ jeˬ miˇ neh ehˇ naˇ, nui deuˬ-aˬ, gʼawˬ mya ni jaˆ-eu laꞈ kʼoeˇ yuˇ doˆ-awˇ damˬ-euˬ meh. Ehˇ kʼawꞈ, aˬ yawꞈ-aˬ, shaˬ dui dui-eu laꞈ kʼoeˇ, aˬ yawꞈ yaw dehꞈ dehꞈ-eu gʼaˇ duˬ maˬ dzeˇ ni, kʼaˇ ahˇ-eu dawˬ tawˆ luꞈ damˬ jiˇ-euˬ meh.”

Pyuˇ daˬ dawˆ duˬ-euˬ mehˬ shi Yeˬsuˇ nuiˇ-awˇ,tsawˇ haˬ gʼawˬ mya ni pyuˇ daˬ dawˆ laˇ gaˇ haw luꞈ-eu meh. Smˇ muiˬ smˇ baw gʼawˬ mya gʼaˬ laˇ-awˇ, pyuˇ gʼawˬ mya ni damˬ-eu meh. Kʼoeˇ naˇ, shaˬ dui dui-eu miˬ coeˬ miˬ ma tiˬ gʼaˬ laˇ-awˇ, tiˬ pehˆ poeˬ-eu guiˬ shuiˇ mehˇ byaˆ nyiˬ byaˆ damˬ-euˬ meh.

Yawˬ ha-euˬ nui ma dawˬ tawˆ luꞈ, saꞈ laˇ dawˬ tawˆ luꞈ, gʼaˬ dawˬ tawˆ luꞈ, Miˬyehˇ-ahˇ ya gaˬ-awˇ, yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ ya gaˬ meh. Miˬyehˇ-ahˇ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu hawˇ-eu, nui jeˬ damˬ nehˬ-eu naˆ maˬ tseˇ, zahˇ dawˬ kʼoꞈ dawˬ heu nyiˬ dawˬ-ahˇ naˇ haˬ geuꞈ-eu muiˬ dzehˬ meh.”

Aˬ yawꞈ maꞈ-ahˇ Yeˬsuˇ ehˇnehˬ-eu, “Toˆ-ehˇ ngeuˇ naˇ, Loˇmaˆ Sahˬ paˬ-euˬ myawˬ Loˇmaˆ Sahˬ paˬ-ahˇ biꞈ-awˇ, Miˬyehˇ-euˬ myawˬ Miˬyehˇ-ahˇ biꞈ-awˬ.” Kʼoeˇ ngeh, aˬ yawꞈ maꞈ Yeˬsuˇ-ahˇ zahˬ dui dui leˇ-euˬ meh.