Popularne wersety biblijne z Maˬkuˆ 14

Udostępnij

“Aˬda-oˇ. Ngaˬ Da-oˇ. Nawˇ maˬ mˇ nya-eu tiˬ jeˬ-iˬ maˬ jaˆ-a. Shaˬ zahˬ naꞈ dui dui-eu kʼmˬ maˬ heu kʼmˬ-ahˇ bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ laꞈ. Nawˬ-euˬ nui noeˬ bi pyeuꞈ-awˬ.”

Kʼoeˇ naˇ, aˬ yawꞈ maꞈ-ahˇ aˬ yawꞈ ehˇ nehˬ-eu, “Muˇ juˇ juˇ-eu mehˬ nah naw maꞈ maˬ ya caw teh-iˇ ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Miˇ tsaˬ tahˬ kʼawˇ heu doe ni, Laˬ kʼaˬ cehˇ-eu Guiˬ lahˬ dawˬ heu kʼaˇ mehˬ keuˆ gaˇ, zaˬ miˬ zaˬ heu gʼaˬ neh mˇ-euˬ gaˇ kawˆ heu ja-awˇ, aˬ yawꞈ-ahˇ noeˬ keuˆ tehꞈ-a lehˇ, naw maꞈ-ahˇngaˇ maˇ jawˆ ni ehˇ-eu ma.”

Aˬ ha smˇ gʼaˬ-ahˇ aˬ yawꞈ ehˇ nehˬ-eu, “Ngaˬ-euˬ nui ma laꞈ kʼoeˇ shaˬ zahˬ mˇ-eu shiˇ taw tehˬ ni miˇ-a. Heu gaˇ jawˇ-awˇ loꞈ tawˬ-awˬ.”

Aˬ yawꞈ maꞈ ciꞈ hawˬ dzaˬ luꞈ ngeh, Yeˬsuˇ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, zaˬ lahˇ deuˬ-ahˇ biˇ nehˬ-awˇ ehˇ-eu, “Yuˇ dzaˬ-awˬ. Heu-aˬ, ngaˬ-euˬ gʼawˇ mawˇ ma.”

Kʼoeˇ naˇ, aˬ yawꞈ kʼmˬ maˬ ciˬ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼmˬ maˬ kʼoeˇ aˬ yawꞈ maꞈ-ahˇ ciˬ nehˬ-awˇ, aˬ yawꞈ maꞈ dawˇ-euˬ meh. Yeˬsuˇ ehˇ-eu, “Heu-aˬ, tsawˇ haˬ gʼawˬ mya ni gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ dawˬ tawˆ luꞈ ngaˬ-ahˇ byehˇ dzeh-awˇ cehˆ tehꞈ-a. Aˬ jeˬ miˇ neh ehˇ naˇ, ‘Yawˇ bo-eu yaw sahˇ-ahˇ Miˬyehˇ sehꞈ-awˇ, yawˇ yawˇ maꞈ cehˆ byaˆ jiˇ tehꞈ-a’ lehˇ, Jaˇliꞈ laꞈ kʼoeˇ ehˇ taˬ-euˬ meh.

Tuˇ-awˬ. Iˇ kaˇ-euˇ. Haw sheˇ. Ngaˬ-ahˇ ahˬ dzaˬ-eu lehˇ gʼeh-eu gʼaˬ heu gaˇ oe keuˆ taˬ-euˬ ngaˇ.”

Yeˬsuˇ Beˬtuˆluˆ-ahˇ ehˇ nehˬ-eu, “Nymˇ ciꞈ ya poeˇ nyiˬ tahˬ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a lehˇ, ngaˇ nawˬ-ahˇ maˇ jawˆ ni ehˇ-eu ma.”