Popularne wersety biblijne z Maˬkuˆ 11

Udostępnij

Teu miˇ neh, naw maꞈ-ahˇ ngaˇ ehˇ nehˬ nyaˇ. Naw maꞈ tiˬ jeˬ paˬ za ni guiˬ lahˬ shaˇ ngeh, za ma lehˇ jah-awˇ shaˇ naˇ, naw maꞈ neh kʼaˇ shaˇ-euˬ jeˬ za tehꞈ-a.

Tsawˇ haˬ aˬ geu gʼaˬ maˬ kaˬ, nui ma poˆ poˆ laˆ laˆ-ehˇ maˬ gʼeh ni, yawˬ ha neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ maˇ maˇ ni jah-eu laꞈ kʼoeˇ, gawˬ jawˬ heu jawˬ-ahˇ ‘Tsawˬ diˇ leˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ ehˇ nehˬ naˇ, aˬ yawꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ, naw maꞈ-ahˇ ngaˇ maˇ jawˆ ni ehˇ-eu ma.

Naw maꞈ gawˬ yawꞈ yawꞈ-awˇ guiˬ lahˬ kʼaˇ shaˇ ngeh, tsawˇ haˬ tiˬ gʼa na-ahˇ iˬ baˇ taˬ luꞈ-eu jeˬ jaˆ naˇ, iˬ baˇ pyehˬ nehˬ-awˬ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda kʼawꞈ, naw maꞈ neh mˇ bahˬ laˆ bahˬ-euˬ jeˬ-ahˇ iˬ baˇ pyehˬ nehˬ laꞈ tehꞈ-a.”

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ-ahˇ jah-awˬ.

Aˬ yawꞈ maꞈ-ahˇ aˬ yawꞈ mehˬ nehˬ tsoˆ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ, tsawˇ jeuˬ dawˬ tawˆ luꞈ guiˬ lahˬ shaˇ-eu nymˇ lehˇ kuˇ tehꞈ-a’ lehˇ Miˬyehˇ neh ehˇ taˬ-euˬ, Jaˇliꞈ laꞈ kʼoeˇ boꞈ taˬ-euˬ maˬ ngeuˇ-a loˇ. Ehˇ kʼawꞈ, smˇ kʼoeˬ tahˇ joe deuˬ baˇ smˇ duˬ pyeuꞈ laˇ ni naw maꞈ jahˇ luꞈ-eu ngaˇ.”

Mehˬ hu paw cah-eu tsawˇ haˬ deuˬ hawˇ-eu mehˬ nah paw cah-eu tsawˇ haˬ deuˬ heu loꞈ-ehˇ guˇ-eu meh. “Miˬyehˇ-ahˇ ja ceuˬ-awˬ. Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ Miˬyehˇ guiˬ lahˬ biꞈ luꞈ-uˇ.

Aˬ dui-euˬ aˬ poeˬ sahˬ paˬ Daˬbiˇ-euˬ miˇkʼahˬ pyeuꞈ-eu, nymˬ-mˇ keuˆ le luꞈ-eu miˇ kʼahˬ heu kʼahˬ-ahˇ Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ ja ceuˬ-awˬ.”