Popular Bible Verses from ਰੋਮ 14

Share

ਕਿਉਂਕਿ ਪਰਮੇਸ਼ਰ ਦਾ ਰਾਜ ਖਾਣ-ਪੀਣ ਵਿੱਚ ਨਹੀਂ ਹੈ ਸਗੋਂ ਨੇਕੀ, ਸ਼ਾਂਤੀ ਅਤੇ ਅਨੰਦ ਵਿੱਚ ਹੈ ਜਿਹੜੇ ਪਵਿੱਤਰ ਆਤਮਾ ਦੇ ਦੁਆਰਾ ਮਿਲਦੇ ਹਨ । ਜਿਹੜਾ ਇਸ ਤਰ੍ਹਾਂ ਮਸੀਹ ਦੀ ਸੇਵਾ ਕਰਦਾ ਹੈ, ਉਹ ਪਰਮੇਸ਼ਰ ਨੂੰ ਖ਼ੁਸ਼ ਕਰਦਾ ਹੈ ਅਤੇ ਦੂਜਿਆਂ ਦੀਆਂ ਨਜ਼ਰਾਂ ਵਿੱਚ ਪਰਵਾਨ ਹੁੰਦਾ ਹੈ ।

ਜੇਕਰ ਅਸੀਂ ਜਿਊਂਦੇ ਹਾਂ ਤਾਂ ਪ੍ਰਭੂ ਦੇ ਲਈ ਜਿਊਂਦੇ ਹਾਂ ਅਤੇ ਜੇਕਰ ਮਰਦੇ ਹਾਂ ਤਾਂ ਪ੍ਰਭੂ ਦੇ ਲਈ ਮਰਦੇ ਹਾਂ । ਇਸ ਲਈ ਭਾਵੇਂ ਅਸੀਂ ਜਿਊਂਦੇ ਰਹੀਏ ਜਾਂ ਮਰੀਏ, ਦੋਨਾਂ ਹਾਲਤਾਂ ਵਿੱਚ ਅਸੀਂ ਪ੍ਰਭੂ ਦੇ ਹੀ ਹਾਂ ।

ਇਸ ਲਈ ਸਾਨੂੰ ਹਮੇਸ਼ਾ ਅਜਿਹੇ ਕੰਮ ਕਰਨੇ ਚਾਹੀਦੇ ਹਨ ਜਿਹਨਾਂ ਦੁਆਰਾ ਸ਼ਾਂਤੀ ਸਥਾਪਿਤ ਹੋਵੇ ਅਤੇ ਇੱਕ ਦੂਜੇ ਦਾ ਭਲਾ ਹੋਵੇ ।

ਇਸ ਲਈ ਆਓ, ਅਸੀਂ ਹੁਣ ਤੋਂ ਇੱਕ ਦੂਜੇ ਉੱਤੇ ਦੋਸ਼ ਲਾਉਣਾ ਛੱਡ ਦੇਈਏ ਸਗੋਂ ਤੁਸੀਂ ਇਹ ਫ਼ੈਸਲਾ ਕਰ ਲਵੋ ਕਿ ਆਪਣੇ ਭਰਾ ਦੇ ਰਾਹ ਵਿੱਚ ਰੁਕਾਵਟ ਜਾਂ ਠੋਕਰ ਵਾਲੀ ਚੀਜ਼ ਨਹੀਂ ਰੱਖੋਗੇ ।

ਜਿਸ ਤਰ੍ਹਾਂ ਪਵਿੱਤਰ-ਗ੍ਰੰਥ ਕਹਿੰਦਾ ਹੈ, “ਪ੍ਰਭੂ ਦਾ ਵਚਨ ਹੈ, ‘ਮੈਨੂੰ ਆਪਣੇ ਜੀਵਨ ਦੀ ਸੌਂਹ ਕਿ ਮੇਰੇ ਸਾਹਮਣੇ ਹਰ ਕੋਈ ਗੋਡਾ ਟੇਕੇਗਾ, ਅਤੇ ਹਰ ਕੋਈ ਮੈਨੂੰ ਆਪਣਾ ਪਰਮੇਸ਼ਰ ਸਵੀਕਾਰ ਕਰੇਗਾ ।’” ਇਸ ਤਰ੍ਹਾਂ ਸਾਡੇ ਵਿੱਚੋਂ ਹਰ ਕੋਈ ਆਪਣਾ ਆਪਣਾ ਲੇਖਾ ਪਰਮੇਸ਼ਰ ਨੂੰ ਦੇਵੇਗਾ ।

ਤੁਸੀਂ ਕਮਜ਼ੋਰ ਵਿਸ਼ਵਾਸ ਵਾਲੇ ਨੂੰ ਸਵੀਕਾਰ ਕਰੋ ਪਰ ਉਸ ਦੇ ਨਾਲ ਉਸ ਦੇ ਨਿੱਜੀ ਵਿਚਾਰਾਂ ਬਾਰੇ ਬਹਿਸ ਨਾ ਕਰੋ ।

ਤੂੰ ਕਿਸੇ ਦੂਜੇ ਦੇ ਸੇਵਕ ਉੱਤੇ ਦੋਸ਼ ਲਾਉਣ ਵਾਲਾ ਕੌਣ ਹੁੰਦਾ ਹੈਂ ? ਇਹ ਉਸ ਸੇਵਕ ਦੇ ਮਾਲਕ ਦਾ ਕੰਮ ਹੈ ਕਿ ਉਹ ਦੇਖੇ ਕਿ ਉਹ ਸੇਵਕ ਠੀਕ ਕੰਮ ਕਰਦਾ ਹੈ ਜਾਂ ਗ਼ਲਤ । ਉਹ ਠੀਕ ਹੀ ਕੰਮ ਕਰੇਗਾ ਕਿਉਂਕਿ ਪ੍ਰਭੂ ਉਸ ਨੂੰ ਇਸ ਯੋਗ ਕਰ ਸਕਦੇ ਹਨ ।