Populære bibelvers fra Lukaq 8

Del

Hpún bo é myigùng má gyó é kyôshi kúm gi, haî eq wuí lhê lhú gâ le, haû mungdang lé lhumzui luî ge é i‑myìt èq ban gyô yù mù, gingtíng shoq zuî zîng luî, wó jân é i‑myìt èq ashi zuî é bang eq wuí lhê.

Zugyóm má gyó âng é kyôshi gi, haî eq wuí lhê lhú gâ le, haû mungdang lé gyô yù luî, yhûmsing é chyungxe dui e ló é hkyô má, shí i-pyàt lhê é myìt wui myìt hke hkyô, ngùn zè sùtgan eq mingkan ngón hkyô má myùp byùq luî, mo é ashi a zuî é bang eq wuí lhê.

Lùqgòk yò pé má gyó âng é kyôshi gi, haî eq wuí lhê lhú gâ le, haû mungdang lé wó gyo jáng, gabú myìt èq hàp yù kôlhang, a-myìt a wó chín mù, rayòq rabun za lùmjíng luî, gúnglaú huî é nyí má, dum yhik ló byùq é bang eq wuí lhê.

Haû mù, Yesuq gi, “Núngmòq é lùmjíng myìt gi, hká má nghut akô lhú?” ga luî, yhángmòq lé myî ri. Yhángmòq kúm gi, gyùq maú byùq bùm kôluî, “Shí yùq gi, hkâsû é byù nghut lhê lhâ? Yhang hkunmó hkyó jáng, laì eq wuìlhêng pé lháng gyo byî rî-nhung!” ga luî, rayùq eq rayùq myî lhûm bum akô nghut ri.

Hkyô má gyó âng é kyôshi gi, haî eq wuí lhê lhú gâ le, haû mungdang lé byu pé wó gyô é htâng má, lùmjíng é má le, hkyi yu é má le, a jé kó sháng gàq ga luî, yhángmòq é i‑myìt hkaû mai nàt Tsádán èq mungdang haû lé, lé yu pyâm é hui bang eq wuí lhê.

Hkâsu mù gâ le, a htoq zê loshoq haq tô é zè haî le a jòq, a sé a byông htoq loshoq wó zaú tô é zè le haî a jòq nghut ri.

Haû jáng, myiwe myhí haû gi, yhang a wó haq zaú to lô é hkyô lé sé jáng, rèq rèq nán lé lô mù, Yesuq é hkyîwang má ngóm gòp kat luî, haî mù Yhang lé záng é hkyô eq, hká dông ge ló byùq é hkyô pé lé, shiwa byù bànshoq bâng é hí má Yesuq lé taî kyô nyi ri. Yesuq gi, “Ngá zo ê, náng é lùmjíng myìt gi, nang lé lhoqgê byi bê nghut ri, ngón za ló àq hkoi!” ga luî, myiwe haû lé taî kat ri.

Haû mù, yhángmòq gi, Yesuq chyáng huî ê luî, Yhang lé nhaû pun mù, “Yhûmsîng ê, Yhûmsîng ê, ngá-nhúng myùp ló nyi ri.” ga taî akô. Haú hkûn, Yhang toq luî, laìdun eq wuìlhêng pé lé tân kat jáng, haú pé gi, zim za dùt ló byùq bê.