Populære bibelvers fra Maatiyu 13

Del

“Goina̱n hyain a̱n copu kasi, i inya a̱n rein ho̱d kan tu hong lalks Na'Sila̱. U hong ta̱m u ke̱e̱se̱ sa̱. U mat ta̱m yaana. I hyan v'za̱ngu. I hyan kwe̱zc c'ta̱a̱cu. I hyan ta̱m d'kwe̱z a̱n oopa.”

“Goina̱n hyain a̱n c'hila̱, i el ho̱d netnanan ta hong lalks Na'Sila̱, to̱nca̱n copun yanda̱ha̱n a palkac nu'kuma̱n han c mo̱dkse na̱, c hol na̱ matma̱n yaana.

Daava̱n noc tu hongt lalksa̱n go̱mc Na'Sil wa ke̱e̱se̱ sa̱ da, a̱ndaabe a̱n A̱krimu tu ko̱s rina̱n na gwain a̱n de̱bc ru. I unwa a̱n rein goina̱n hyain a̱n e̱s k'le̱ve̱.

“Goina̱n hyain na̱m'taare, i inya a̱n rein ho̱d kan tu hong lalks Na'Sila̱, u kab ta̱m sa̱ a̱ndaabe a̱n c'za̱ngkta̱. Ai retin la u el ho̱da̱n goina̱n ta tanin s'ga̱a̱r da, tu gag c'de̱b v'daa ca̱nmi. Daava̱n c'ke̱ta̱mse̱ alla ryaaka̱ d'kob da̱n nokta rema̱n lalks Na'Sila̱, ai geza, tu vaak dima̱.

“Go̱mc na'con el ta̱m ho̱da̱n kumuna̱n na sagin a̱nmi k'ke̱nge̱. A noc purusu o, tu vaak u biti a̱n c'za̱ngkta̱. U hav u bab rina̱n u ciin kwe̱ u waa ke̱nge̱k ne.

Goo hyan hek a̱n copu kasi. I potka i matka yaana. I hyan v'za̱ngu. I hyan kwe̱zc c'ta̱a̱cu. I hyan ta̱m d'kwe̱z a̱n oopa.

Lag na e i gubisi i caa daava̱n ke̱me. Ta̱'m ze an ke̱me a baa kargsa kwan na̱m'e̱te̱, a gag ca̱ c'gag-c'gag rem na dwaate. A kargsa kaa hii a̱n d'be̱se̱ a de̱l a̱n be̱e̱d ri.”