Populære bibelvers fra وَحی 7

Del

بعد از اِ، چَش اُمکِه، و بِبِن، جمعیت گاتی هاد که هِسکَه اُشناشابو شُ بِشمُرِه، از هر ملتی، از هَمَهِ طایفَه‌یّا، کومیا و زابُنیا، جلووِ مِ تخت و جلووِ مِ بَرَّه وَایستَدِستادِت، عبائِی سَفید شُن بار هاد و پِشِی مُه تِی دستشو هاد.

و آنایا وَ صدای بلند کال شواَکِه که: «نجات مال خدای اَمائِه، که لِی تخت اُدائی؛ و مال مِ بَرَّه‌وائِه.»

اَسِی که مِ بَرَّه‌وا از مارَکَهِ تخت، چیپُنِ آنایا اَبِه، و اُ آنایا اُ چشمَه‌ئِی هاوِ زندَه رهبری اَکو. و خدا هر خَرسیا از چَشیاشو پاک اَدَکو.»

وَ خاطر هَمِئِه که: «اِیا روبَرُنِ تخت خدا هِت و شاو و راز اُ آنا تِی معبدُش خدمت اَکنِت؛ و آناکِه لِی مِ تختا اَنی، خاد حضور خوش اُ آنایا سر پناه اَدَ. آنایا دِگَه گُشنَه نابِت، و دِگَه تشنَه نابِت، نِه آفتُو شواَزاد، و نِه هیچ گرمای سوزان دِگَه‌ای.

و اُشگُت: «کَبل از اِکِه اَما اُ پِشانِنِ نوکرِی خدامو مُهر بِزنِم، اُ زِمی یا دریا یا درختیا ضرر مَزنی.» و اُمشُنُفت که تعداد مُهر بُدَیّا صد و چهل و چهار هزار نفر از کُل طایفَه‌ئِی بنی‌اسرائیل هاد.