Populære bibelvers fra انجیلِ مَتی 13

Del

اما تُمی کِه دِ زِمینِ خو كاشتِس کَسی اَ کِه کلُومِ نِه می‌شنُوئَه وَ وَه نِه می‌فَمَه وَ وِ بار می‌نشینَه، صد، یا شَصت وَ یا سی بِرُووَر بار میارَه.»

تُمی كِه اُفتا دِ مینِ خاریا، کَسی اَ كِه کلُومِ نِه می‌شنوئَه، اما دِلدِهولی‌یا ایی دنیا، فِریوِ مال وَ ثروت، او كلُومِ نِه دِش خفَه می‌کَه وَ میوَه‌ش هرگز وِ ثمر نِمِی‌رَسَه.

هِه کِه یَکی کلُومِ پاتشائی آسمُو نِه می‌شنُوئَه اما وَه نِه نِمی‌فَمَه، او شریر میایه وَ او چیئی كِه دِ دِلِ وَه كاشتِسَه، مُوئُوزَه. یَه هِه او تُمی‌ اَ كِه اُفتا دِ مینِ رَه.

وَ اما تُمی كِه اُفتا دِ زِمینِ سنگلاخ، کَسی اَ كِه کلُومِ نِه می‌شنُوئَه وَ زی وَه نِه وا شایی قبول می‌کَه، اما سی یَکِه دِ خُوش ریشَه نارَه، تَنیا زِمُونِ کمی تاو میارَه. هِه کِه وِ سُنَه کلُوم، چَمَر وَ آزاری وِش مِی‌رَسَه، آزِعی ایمُونِشِه دِ دَس مِی‌ئَه.

«پاتشائی آسمُو هِه چی گنجِ پِنهُونی اَ دِ دِلِ زِمی، که کسی وَه نِه پیا می‌کَه، اوسِه دِسَر قایِمِش می‌کَه، وَ دِ خُشالی مِی‌رَه وَ هَر چیئی کِه دارَه، می‌فِروشَه وَ او زِمی نِه می‌خَرَه.

اما باقی تُم‌یا اُفتان وِ مینِ زِمینِ خو وَ بار اُوِردِن: قَری صد بِرُووَر، قَری شَصت بِرُووَر وَ قَری سی بِرُووَر.

بِئیلیت هَر دِک وا یَک تا مُوسِم دِرُو رشد بَکَن. دِ او زِمُو وِ دِرُوگَریا مُوئِم کِه اول، عِلَف‌یا هرزِ نِه جمع بَکیت وَ بافَه بَکیت سی سُوختِه، اوسِه گَنِم‌یا نِه جمع بَکیت، بیاریت وِ اَمارِ مِه .“‌»