Populære bibelvers fra Sealm 142

Del

þa ic to þe, Drihten, ­ ­ ­ ­ ­digle cleopode and sona cwæð : ­ ­ ­ ­ ­“Þu eart min se soða hiht; eart þu on lifigendra ­ ­ ­ ­ ­lande swylce se gedefa dæl, ­ ­ ­ ­ ­Drihten, æghwær.”

Alæd me of carcernes ­ ­ ­ ­ ­cluse swylce mine sawle, ­ ­ ­ ­ ­þæt ic syþþan forð þinne naman mote ­ ­ ­ ­ ­neode sæcgean. Min soðfæste ­ ­ ­ ­ ­snotere bidað, oþ þæt þu me edlean ­ ­ ­ ­ ­eft forgylde.

Gif mine grame þenceað ­ ­ ­ ­ ­gast teorian, and þu mine stige ­ ­ ­ ­ ­strange ongeate. On þyssum grenan wege, ­ ­ ­ ­ ­þe ic gange on, me oferhydige ­ ­ ­ ­ ­æghwær setton gearwe grine; ­ ­ ­ ­ ­geara ic sceawade

Min stefn to þe ­ ­ ­ ­ ­styrmeð, Drihten, and ic mid strangere ­ ­ ­ ­ ­stefne swylce eam biddende ­ ­ ­ ­ ­bealde Drihten.

Beheald mine sawle, ­ ­ ­ ­ ­hæleþa wealdend, for þon ic geeadmeded eom ­ ­ ­ ­ ­ungemete swiðe. Alys me fram laþum; ­ ­ ­ ­ ­hi me lungre synt ealle ofer me ­ ­ ­ ­ ­ungemete strange.