Populære bibelvers fra Sealm 143

Del

lær me, hu ic þinne willan ­ ­ ­ ­ ­wyrce and fremme, for þon þu min god eart, ­ ­ ­ ­ ­þu me god dydest. Me þin se gōda gast ­ ­ ­ ­ ­gleawe lædde, þæt ic on rihtne weg ­ ­ ­ ­ ­reðne ferde

Gedo þæt ic gehyre ­ ­ ­ ­ ­holde on morgene þine mildheortnesse, ­ ­ ­ ­ ­mihtig Drihten, for þon ic hycge to ðe, ­ ­ ­ ­ ­helpe gelyfe. Do me wegas wise, ­ ­ ­ ­ ­þæt ic wite gearwe on hwylcne ic gange ­ ­ ­ ­ ­gleawe mode; nu ic to Drihtnes ­ ­ ­ ­ ­dome wille mine sawle ­ ­ ­ ­ ­settan geornast.

Afyrr me, frea Drihten, ­ ­ ­ ­ ­feondum minum; nu ic helpe to þe ­ ­ ­ ­ ­holde gelyfe

for naman þines ­ ­ ­ ­ ­neodweorðunge, Drihten usser, ­ ­ ­ ­ ­do me halne, þæt ic on ðinum rihte ­ ­ ­ ­ ­rædfæst lifige. And þu of costunge ­ ­ ­ ­ ­clæne alæddest sawle mine, ­ ­ ­ ­ ­þær heo syððan forð

Drihten, min gebed ­ ­ ­ ­ ­deore gehyre, and mid earum onfoh ­ ­ ­ ­ ­ungemetum georne mine halsunge; ­ ­ ­ ­ ­heald me syððan on þinre soðfæstnesse ­ ­ ­ ­ ­and me on soðe gehyr.

gehyr me hrædlice, ­ ­ ­ ­ ­hæl me syþþan. Nu me deope is, ­ ­ ­ ­ ­Drihten leofa, min sylfes gast ­ ­ ­ ­ ­swær geworden, ne awend fram me, ­ ­ ­ ­ ­wuldres ealdur, þine ansyne; ­ ­ ­ ­ ­wese ic earmum gelic þe on sweartne grund ­ ­ ­ ­ ­syþþan astigað.

Þonne ic on mode ­ ­ ­ ­ ­gemyndgade, hu me ærran dagas ­ ­ ­ ­ ­oft alumpan, metegade on mode ­ ­ ­ ­ ­ealle þine mæran weorc and ymbe þine handgeweorc ­ ­ ­ ­ ­hogode georne.