Populære bibelvers fra मत्‍ति 13

Del

कालाउबुङ हेअ्मि द्‌याङको कोन्‍धाङ रेम्‍का भोनोता बिअ्‌न्‍हाका चालाइ भाइका, जाइ बचन हिङखे, गिखे रो जातिङको उब्‍जनि सेपाखे। इङको बिअ्‌का चालाइसो नाकुरि गुना, सुमकुरि गुना रो एअ्‌कुरिते गुना उब्‍जनि सेपाखे।”

आरोङ हेअ्मि द्‌याङको कोन्‍धाङचाहिँ चुइको झालास्‍ता बिअ्‌न्‍हाका चालाइभाइकाङ। एम्‍बालाइ परमेस्‍वरको बचन हिङतेङ बुङ दुनियाको पिर रो टाका काउरिको इछाता फासिखे। एन्‍साङ एम्‍बालाइको हिङका बचनगेलाइ राम्‍तेङ हानिखे रो ताइको जिबनता हिदिङ बुङ फल मासेपाखे।

हेथे द्‌याङगेलाइ स्‍वरगको सारभिको बचन हिङनुते हिङखे कालाउबुङ मागिखे, कालाउ दुरजन लोखे रो इङकोको कोन्‍धाङता जेदोङ बिअ्‌का हिघाहि इङको कुर्‍हाइतेङ चुमपुखे। दामाभारि बिअ्‌न्‍हाका चालाइचाहिँ इङकोङ

उन्‍ठुइहिका भोनोता बिअ्‌न्‍हाका चालाइचाहिँ इङको द्‌याङभाइका, जाइ बचन हिङतेङसाङ लेङचातेङ ओदोङघरि मन्‍जुरि पाखे। कालाउबुङ इङकोको कोन्‍धाङ लिअ्‌ताथिकापा जारि माजोनाङसिङ इङको आतुइसा पहरथिकापा खिनिङ हिखे। कालाउ परमेस्‍वरको बचनता खान्‍धुर पानाङसिङ तु: रो सान्‍ताइका लोतेङसाङ इङको न्‍हुअ्‌ पासाइखे।

“स्‍वरगको सारभि हिदिङ एलोङ मिलिङता लिअ्‌तेङ ताअ्‌का लिअ्‌का टाकाभाइका। एअ्‌मि द्‌याङ निङतेङ म्‍होअ्‌तेङ ताअ्‌तावा। कालाउ लेङचातेङ वा हानावा रो ताइमिदोसा हिका गोताङ पिअ्‌तेङ इङको मिलिङ चोलावा।

आधे चालाइ रेम्‍का भोनोता बिअ्‌न्‍हाहि रो आधे नाकुरि, आधे सुमकुरि रो आधे एअ्‌कुरिते गुना उब्‍जा पिहि।

बालि चेका माजेङपाधाउ न्‍हेमिहेङ दोसादोसाङ बारालि पिसु। कालाउ का जनगेलाइहेङ दोअ्‌ताङका, ‘लाम्‍फा माइरिमा उअ्तेङ ओअ्‌पालि बोझा जिङसु, कालाउबुङ गोहोमचाहिँ काङको भाकारता ताअ्सु।’”