Populære bibelvers fra I MATIU 6

Del

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

Onaemo pu'uno si mensalalaro mongkona oleo tisomo, hangano oleo tisomo hinao masusano onaeno. Masusaa asa oleo sompoomo tiano asa oleo.”

”Onaemo pu'uno ka Kupauakomiu: Siimo imesala-laroakono tuwumiu, ba hapa anu komiu mengkaano ke me'inuo, ka siimo imensala-laroakono mbo'u koroimiu, ba hapa ta pesangkamiu. Kombake tuwu atuu mentuduopo sekono kaanga ka koroi atuu mentuduopo sekono sangka?

Sine tewala komekakai, pewinsomo a laro bolongkomu, tondoomo pewowa ka pekakaimo ndi Ondae Amamu anu kongko a ntewuniano. Ka Ondae Amamu kumitao anu tewuni Ira sumuloakomu.

Onaemo pu'uno impekakaimo kanandio: Amamami anu i suruga, nee-Miu ka ipinokomempori, Poparentaa-Miu ka ihawe, ka igagimo po'ehe-Miu i tolino kana i suruga.

Ipowee kami kaangamami oleo andio ka isompo

ka I'ampuniomo halamami, kana omami mbo'u me'ampunio salado walimami ndi omami

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

Hangano tewala ime'ampunio salado mia, Ondae Amamiu i suruga Ira umampuni komiu mbo'u.

Kita iramo manu-manu i langi, anu nahi dompompaho ka nahi domensowi ka nahi dompopumpu kaangado a nsi'e, sine Dopaka ira koa Amamiu anu i suruga. Kombake olaiopo polaluamiu sekono manu-manu atuudo?

”Si popumpu arataa i tolino; i tolino usu ka ta'ilasi ta sumolangio ka mia monako ta kumekeo ka iponakoo. Sine pumpuakonomo koroimu arataa i suruga; i suruga nahi ta sumolangio usu ka ta'ilasi ka mia monako nahi ta kumekeo ka monakoo. Hangano ba isua ipo'ia arataamu, i tu'ai mbo'u ipo'ia aroamu.

Nahina maupo te'asa mia mokompe'ue te'orua. Hangano tewala kanatuu, ta umo'aliaakono anu asa mia ka mehohawao anu susua, ke ta metenunu a asa mia ka nahi perioo anu susua. Nahi komiu mpokompe'ue ndi Ondae Ue Ala ka mpe'ue a Arataa.”

Gagi tewala kanandio Doramba-rambao Ue Ala ewo a lere, anu kongko oleo andio ka tisomo tinadi a laro api, nde nahi ta laluaopoke Dopoposangka komiu, hei mia anu makura pompe'ala-alano?

Sine tewala mompoweeko anu mentee, siimo ito'orio kae manggalimu hapa wineweuno kae ngkoanamu. Po'ineeomo pompowee anu mentee atuu ka itewuni iwineeako, ka Ondae Amamu kumitao anu tewuni Ira sumuloakomu.”

”Impe'ihilaroo, si meweweuo gau mpesombamiu i arodo mia ka domengkitao, hangano tewala kanandio, nahi komiu mpohawe tambomiu inso ndi Ondae Amamiu anu i suruga.

”Ka tewala mempuasa komiu, si mpopokitao rupamiu mompemasusa kana mia mo'onde-onde. Domebalio rupado, ka domengkitao koa mia nine kontongaado mempuasa. Kupauakomiu: Menteeano mpohawe iramo tambodo. Sine tewala omue puasa, lanaomo ulumu ka pero'umo, ka si domengkitao mia nine kontongaamu puasa, tendeano butu Ondae Amamu anu kongko a ntewuniano. Ka Ondae Amamu kumitao anu tewuni Ira sumuloakomu.”