Populære bibelvers fra I LUKASI 8

Del

Anu tedonta a wita anu moiko atuu onaemo mia, anu mansado merongeo pau atuu, menaao i laro aroado anu moiko ka mpoluarako wua a pompedatodo.”

Anu tedonta a laro ewo rui onaemo mia anu rumongeomo pau atuu, ka a laro ntumuwudo lembuino tehidiako sala-laro ka kaeaa ka manangaino tumuwu, ranta nahi pewuaako wua anu moiko.

Anu tedonta a wita anu melaro watu atuu onaemo mia, anu mansado merongeo pau atuu, mawongko aroado mentarimao, sine ondae atuu nahi pehaka, sarai koa dompe'ala-alao ka a tempo po'ara-arahakoa mpeposuka ira.

Ka Do'amba motaeako ira, ”Isuake pompe'ala-alamiu?” Ka medoito iramo ka mengkohali-hali, ka do'amba mpepau-pau pada ondaedo, ”Isema tokoa mia andio, ranta ka Doparentao angi ka uwoi ka mpetenunu ira ndi Ondae?”

Anu tedonta a wiwi nsala atuu onaemo mia anu rumongeomo; ka i'amba haweomo i mosa'o umalao pau atuu inso i laro aroado, ka si dompompe'ala-ala ka mengkinadudui.

Hangano nahina te'asa anu tewuni anu nahi ta pinokomengkaa, ka nahina te'asa anu rahasia anu nahi ta tino'ori ka pinopoto'ori.

Tempono ikitao beine atuu, nine wineweuno atuu tino'ori, aiwaomo saru mondidi-ndidi, menggolontu i aro-Do ka itutuluako ira mia hadio hapa pu'uno ka i'angga Ira ka nine i tempo koa mbo'u atuu onae tompa. Onaemo ka Dopotaeakono beine atuu, ”Hei ana-Ku, ikaduduikomo pompe'ala-alamu, lakomo temoiko!”

Ka me'aiwa iramo ana guru-Do wangu Ira, dompotae, ”Guru, Guru, kita memasola!” Mewangu Iramo, ka Do'amba kumuahakono angi ka uwoi anu uma'e atuu. Ka menaa-naaomo angi ka uwoi atuu ka rano atuu gagi temonto.