Populære bibelvers fra AkwaRoma 14

Del

Inene Kutumina kwa Nyambi po kadi kwa ku dya no ku nwa unone kwa owawa no thsiyaro no thsinyanyu mu Mupepo Oukenu. Munu yomuhe o ku kwamena Krisitu kedi dikuñwa kenge a ku roerithsa Nyambi, karo anu kenge a ku mu tawethza.

Inene ngeci twaa yoya, twaa yoyera kwa Fumu, ngeci twaa fa, twaa fera kwa Fumu. Mweyo, nji twaa yoya nji twaa fa, twakwa Fumu.

Mweyo, tu koñomekenu yo ku reta thsiyaro neyi yumba thsitawo thso munu no munu ku kwetu.

Mweyo, tu thsienu ku ciraturaratura honi, unone tu mone ci twa kwangithsa amweya nji kwikara thsiparaka thsa yumweya.

Inene ku na ñoriwa ci: Ame ni yoya, Fumu aa amba, munu no munu kenge a ku tongama pa rupara rwange, karo dimi no dimi kenge thza ku citawera ci no Nyambi. Mweyo, munu no munu kenge a ku citawera pa meho a Nyambi.

Mu tambure mukwakutawa o ku faratera mu thsitawo, uno honi mwa cikanyeka nenthzi keyi yo mianekerero thzenthzi.

Yowe odye ci o rature ngamba wa munu wao? Ñathsire wenthzi yo na roera ku mu ratura nji aa tanara nji aa wa. Kenge a ku tanara, inene Fumu aa twethsa ku mu tanarithsa.