Populære bibelvers fra မထ 6

Del

အာတ့် ဘူင် ဘေ ဘဲန် မျုဝ် ဘဲန် မျုဝ်၊ ဘေ လုဝ် ဂျုဝ်ဂျာ ဒီ ဘူင် အီ ဒူပ် နဝ်း ဆိူဝ် နဝ်း မှာန် ပီ ဒွါ ဇဝ်ဖြာ။ ဘေ ဘော လုဝ် ဂျုဝ်ဂျာ ဒီ ဘူင် ဒွန် မျုဝ် အီ ဒီ တဲး ဇဝ်ဖြာ အိုပ် ကာဒါယ်။ ဆေ ဘေ ဘူင် ပါယ် တီ၊ ပီ ဒီ လုဝ် ဘေ ဒွန် မျုဝ်၊ ဘေ ဒီ ဘော ပွိုန် တူတ့် ဒွန် မျုဝ်။

ခုဝ် အန် တီ ကွဲ့ တဲး ဘေ မိုဝ်း နဝ်း ကာဟွာ့ လွင် ပီ ဒီ လုဝ် ဘေ ခဲညှာ။ ဆေ ဘေ ကာဒုး ဒုက် အာတိုဝ်၊ ဇဝ်ဖြာ နပ် ဒီ စွယ်၊ တဲး ဘေ ကာခဲန့် မီ အာတိုဝ်။ ပါ ခဲညှာ န့ ဘော ပါယ် တီ။”

ခုဝ် အန် တီ အုဝ် ဝီ တဝ်း ဒီ ဘေ၊ ကွဲ့ တဲး ဘေ မိုဝ်း နဝ်း ကာဟွာ့ လွင် အာဆာက် ဘေ။ ကွဲ့ တဲး နဝ်း ဘေ ကာဟွာ့ လွင် ပီ ဒီ ဟူမ် ပီ ဒီ တာ ဘေ။ ခုဝ်၊ အာဆာက် ဘေ၊ အာရေ အန် ဟဲ့ တာင် လွှိုမ် ပီ ဒီ ဟူမ် ဘေ။ ဘော ဒုဝ် ဘူင့် ဘေ၊ အာရေ အန် ဟဲ့ တာင် လွှိုမ် ခြိုင် ပီ ဒီ တာ ဘေ။

ခုဝ် အန် တီ ဆေ ဘေ ဆာခိုဝ်၊ ဘေ လုဝ် ဟာဝ် လိုပ် ခဲင် ဟူင်၊ ဝီ ကာဘိတ် မာလုဝ်း၊ ဝီ ဆာခိုဝ် ဒီ ဇဝ်ဖြာ အီ ပီ ဂုန့် ဘေ ပီ တူ ပွိုန် ယိုဝ် ဘေ။ ပန် တီ ဇဝ်ဖြာ အီ နပ် ဒီ ယိုဝ် ပီ တူ ပွိုန် ယိုဝ် အီ ဟဝ်၊ အန် ဒီ ထူမ် ဂြုဝ်း ဘေ၊ တဲး န့ ဘဲန် အာဂျိုဝ် ဒီ ဘေ။

ခုဝ် အန် တီ ဘေ လုဝ် ဆာခိုဝ် ပါယ် နီ။ ဘေ လုဝ် တဝ်း၊ ‘အိုယ်၊ ဂုန့် ယေ အီ ကွယ် ဂါင်ဟြာဝ်၊ မှာန့် တဲး ယေ ဒူအီ မိုဝ်း နဝ်း ရုဝ်ဆေ ရီမာတ် မဲ ဇဝ်။ အာခြာဝ် ဒီ အိုပ် မဲ ဇဝ် ဒူအီ ဒဲင် ကာဒါယ်၊ တဲး မဲ တဲး န့ တး၊ တဲး န့ ဇမ်။ ခဲင် မိူင် ဒဲင် မဲ အိုပ် ပါယ် မှဝ်၊ တဲး မဲ အိုပ် ဘော ဒဲင် ကာဒါယ် ပါယ် တီ။

ဒွန် ဆီငဲ ဒွန် ဆီငဲ တဲး မဲ ဇဝ် ဒွါ ပီ ဒီ ဟူမ် ဒီ ယေ။

တဲး မဲ ဇဝ် ဘ့လွာ့ ဝဲန် မှာပ် ယေ။ တဲး န့ ပီ၊ ဘော ယေ ဘ့လွာ့ ဝဲန် မှာပ် အီ ဟဝ်။

ကွဲ့ တဲး ယေ ဒူပ် အီ ကာဆုး ယေ ဘူင် မှာပ်။ တဲး မဲ ချွတ် ယေ၊ တဲး ယေ လွတ် နာ တူ မွှိုမ်။ ကူပ် မုး မဲ အန် ဇဝ် အီ အိုပ် ကာဒါယ် ဘော မိုဝ်း ပွုန် တာင် ဘော အာဖုင် ဒင်ခုဝ် တာင် အီ ကွယ် ဒွန် စုဝ် ဒွန် ဘာန်၊ ယေ ဆာခိုဝ် ပါယ် တီ။’

ဆေ ဘေ ဘ့လွာ့ ဝဲန် မှာပ် အီ၊ ဘော ဇဝ်ဖြာ အီ ပီ ဂုန့် ဘေ၊ အီ ကွယ် ဂါင်ဟြာဝ်၊ အန် ဒီ ဘ့လွာ့ ဝဲန် ဘော မှာပ် ဘေ။

တဲး ဘေ ယွတ် မာဆိမ် အီ ကွယ် ခဲင် ဘ့လေန့်။ ဂေ တူ ဆမ် မာဆေ။ ဟဲ့ ဟွတ့်၊ ဂေ တူ ဝီ ဆုဝ့် မာဆေ။ ဂေ မိူဝ် တူ အုန် ပီ ဒီ ဟူမ် ဂေ ခဲင် ဘု ငှုဝ်။ ဇဝ်ဖြာ အီ ပီ ဂုန့် ဂေ၊ အီ ကွယ် ဂါင်ဟြာဝ်၊ အန် ယီ ဟျီင် ဂေ ဟူမ်။ န့ ယီ မုး ဘေ၊ ငဝ်း ဘေ ဟဲ့ တာင် လွှိုမ် ငဝ်း မာဆိမ်။

ဟဲ့ ဟွတ့် ကာလာင် ဂြုဝ်း တီ၊ ဇဝ် ယေဆူ ဝီ တဝ်း၊ “ကွဲ့ ကာဇု အုန် ကြုဝ်ကြာမ် ဘဲန် မျုဝ် ဘဲန် မျုဝ် ပီ ပွိုန် ဟူမ် မာဝ၊ ပီ ပွိုန် ဟူမ် အျီင်ရျီး။ ကွဲ့ အုန် ကြုဝ် ပီ ပွိုန် အီ ဒီ ပြာ။ ဘေ ယီ လုဝ် ဘူင် တဲး န့ ပီ ဘေ အုန် ကြုဝ်ကြာမ် ခဲင် မိူင် ဂါင်ဟြာဝ်။ ကြုဝ်ကြာမ် ဇိုဝ် တီ အာဝ် မုး မျုဝ် ပီ ပွိုန် ဟူမ် မာဝ ဂေ အျီင်ရျီး။ ဒူင် ပီ ဘ့လေး အုန် ဘေ ဇိုဝ် တီ၊ ဒါ ပြာ အာဝ် ပွိုန် တး လိုပ်၊ အာဝ် ပွိုန် ပြာ။ ခုဝ်၊ ဒူင် အုန် ဘေ ကြုဝ်ကြာမ် ဘေ၊ ဘော နဝ်း ဘေ ဒီ ဘော နမ်လှုဝ်း ဒီ တီ ဆေဆေ။

အာဝ် မိုဝ်း ဒူအီ အီ ပွိုန် ဘဲန် မှာယ် ဒါ ကာညာ အာ ဝီ။ ဆေ အန် ရွက့် အူ ဝီ၊ အန် ဒီ ဝီ ဇွင့် ပေါ အူ ဝီ။ ဆေ အန် ဘော ထူမ် ဂြုဝ်း အူ ဝီ၊ အန် ဒီ ဝဲန် ဂြုဝ်း ပေါ ဝီ။ ပါယ် တီ ဘော ဘေ တူ ပွိုန် ဒူပ် ဆီချာ ဇဝ်ဖြာ ဘော ဘူင် ဘဲန် မျုဝ် ဘဲန် မျုဝ် တဲး ဘေ ပွိုန် ကိူန် ရွိုန်။

ပေတ့် ဟဲ့ ကွယ် အာတိုဝ်။ ခဲညှာ ငဝ် ဝီ ကာဆိုမ် ပေတ့် တီ။ ဆေ ဇဝ်ဖြာ တဲး ဘုဝ်း ဂေ ပေတ့် စှိတ် ခဲ့ တီ၊ တဲး ဘေ နပ် ဆီချာ၊ အန် ဒီ ဘော ဒွါ ခြိုင် ပီ ဒီ တာ ဒီ ဘေ၊ တဲး န့ လွှိုမ် တီ။ အိုယ် ဘေ ဒူအီ၊ မှဝ် န့ ပါယ် ပီ ညှိုမ် ဘေ အီ စဲက် ခဲင် နဝ်း ဘေ။း

ဆေ ဘေ ဒွါ ကြုဝ် ဘေ ဒီ ဒူအီ ဂိန်၊ ကွဲ့ တဲး အာဆေ နပ် ပီ ဘူင် ဘေ။ တဲး မီ ဘေ နပ် လွင် အန် တီ။ ဆေ န့ ပါယ် တီ၊ ဇဝ်ဖြာ အီ ပီ ဂုန့် ဘေ၊ အန် ဒီ ဝီ ယွတ် ပဲ့ ဟဲ့ ဘူင် ဘေ။ အန် ဒီ ဝီ ဘူင်၊ တဲး န့ ဘဲန် အာဂျိုဝ် ဒီ ဘေ။”

ပန် တီ ဇဝ် ယေဆူ ဝီ မာနုဝ် တဝ်း၊ “ဆေ ဘေ စွယ် အီ ဟဝ်၊ ဘေ လုဝ် ဆာဒိက် နဝ်း ဘေ။ ဆေ ဘေ ဘူင် နာ မွှိုမ် ပီ အိုင် ဇဝ်ဖြာ၊ ကွဲ့ ဘူင် တဲး အီ ဟဝ် ယိုဝ်။ ဆေ ဘေ တူ ဆာဒိက် ပါယ် တီ၊ ဇဝ်ဖြာ အီ ကွယ် ဂါင်ဟြာဝ်၊ အန် တူ ဝီ တဲး န့ ဘဲန် အာဂျိုဝ် ဒီ ဘေ။

ပန် တီ ဇဝ် ယေဆူ ဝီ မာနုဝ် ပေါ အူ မျုဝ်။ အန် တဝ်း၊ “ဆေ ဘေ ယိူန် ပီ ဒီ ဟူမ်၊ ကွဲ့ တဲး ဘေ မိုဝ်း နာ အီ တူ ဒါခိုယ် ပီ ဂေ ဒူအီ ညိုင်ရာင် ဘွတ်။ ဂေ နပ် ဒီ ဘူင် တဲး နာ ဂေ အာဝ် စှိတ်၊ တဲး န့ ဘျ ဒီ အီ လွင် ယိူန် ဂေ ပီ ဒီ ဟူမ်။ အုဝ် တဝ်း အာခ်ု ဒီ ဘေ၊ ဂေ အီ ဘူင် ဇိုဝ် တီ၊ ဂေ ဟဲ့ ပွိုန် ခဲ့ ဆီ ပွိုန် ဂေ။ ဆေ ဘေ ယိူန် ပီ ဒီ ဟူမ်၊ တဲး ဘေ ဖဝ်း နာမန် ဒီ ဂိန့် ဘေ၊ ဒီလှဝ်း ဘေ။ ကွဲ့ တဲး န့ လိုဝ်း ဒီ အီ လွင် ယိူန် ဘေ ပီ ဒီ ဟူမ်။ တဲး မီ ဇဝ်ဖြာ နပ် လွင် အန် တီ။ ဇဝ်ဖြာ တူ တဲး အီ ယိုဝ် အန်။ အန် ယီ နပ် ဒီ ယိုဝ် ပီ တူ ပွိုန် ယိုဝ် အီ ဟဝ်။ အန် ဒီ ဘော တဲး ပီ ယိူန် ဘေ ပီ ဒီ ဟူမ် ဝီ ဘဲန် အာဂျိုဝ် ဒီ ဘေ။”