Populære bibelvers fra รม 14

Del

โคว, แคง มืง ปี อึบ เฌาพรา ปี ดี โฮม อาเร ตู ตาง. อึณ มูห น็อห ซืร น็อห หมาน บอ น็อห ฆัด เฆียด บอ น็อห ดาคึย ฆยามซา ปี ดัว น็อห พึอม เฌาพรา. โมยว ตี แฮะ อาเร ตาง. ดอน อี อี โบง ปี อึง เฌา เยซู ปาย ตี, อัน แฮะ มูห ดูอี อี ล็อะ น็อห เฌาพรา. บอ เฆ ดูอี ดี อึง อัน.

เซ เอ ซี อีม, ปี โบง เอ ดอน โมยว เอ โบง แตห อึณ โดบ ปี อึง เฌาพรา. เซ เอ ดี บอ ยัม, แตห อึณ โดบ ปี อึง เฌาพรา. เซ อึณ ปาย ตี, เอ ปี บอ อีม, เอ ปี บอ ยัม, เอ มูห ดูอี ปี อึบ เฌาพรา.

โคว อัน ตี แตห เอ โฆยวฆยา ดี โบง โมยว อี ดี แตห น็อห หนีม น็อห ดาคึย บอ อี ดี แบน โปลม แบน แฮณ ดี น็อห อี เซเซ.

โคว, แกวะ แตห เอ ลาย พยาก, ลาย ซูงพยาด ปี โบง เอ, โยว อึณ หมึอม ตู หมึอม. แตห เอ ยี คัด น็อห, แกวะ แตห เอ โบง คอ อู โมยว อี ดี แตห บีนอง เอ กาลึบ.

แคง บับ เฌาพรา อึณ แฮะ แดม อูน ต็อห, “ปี กาลาง โอว แฮะ หมาน อาคาคัร. ดูอี ดอน อี ดี โลว ตัห ครึบเครา ดี อาต โอว. ดูอี ดอน อี ดี บอ ต็อห, โอว มูห เฌาพรา.” ปาย ตี, เอ ดอน อี ดี โลว แค โตต แปะ แฮะ โบง เอ, แตห เฌาพรา โทม. เอ โลว กาลาง ปาย ตี ราง อาเซ ราง อัน.

แตห เบ โพรม ดี กอย รึม โดบ เฆ ดูอี อี หณึม เฌา เยซู อี ยี โยว ดี กาลึบ ดี โฮม ดี ตา แบน โมยว แบน โมยว. เบ ยี ตู โลว ลาย กาแทณ ดี เฆ ลอง ปี ทาง เบ อี ลาย บลืง.

แม ทาง, แม มูห อาเซ, แตห แม ปึอน ดี พยาก แดเจณ อี เฮา. อึณ มึห มี ดา กาณา อัน อี ปึอน ดี ซูงพยาด ดี ยอด ปี โบง อัน, โยว แฮะ หมาน อาว หมาน. โคว, เฌาพรา ยี ดี แตห อัน โบง นา หมาน. อึณ มูห ปวน เฌาพรา อี แตห อัน นับ ดี โบง อี หมาน อี หมึอม.