Populære bibelvers fra A-ROMA 14

Del

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu. Mumu yoze malingila Kristu ni yino yuma mapemena chikolo kuli Zambi, mamusela Shindakenyo yipema kuli atu.

Mumu chipwe kachi mutupwa ni mwono, kuli Mwene mutupwa ni mwono; chipwe kachi mutufwa, kuli Mwene mutufwa: kashika chipwe mutupwa ni mwono, chipwe mutufwa, tuli a mbala a Mwene.

Chocho tukaulenu yuma yize yatwala ku sambukila, ni yuma yize mutuhasa kulikolesa nayo umwe ni mukwo ni mukwo.

Kashika kanda tulipatwila nawa umwe ni mukwo ni mukwo: alioze tupatulenu chino Shinaho, ngwetu niumwe kanda asa chihukanyiso hanji chitalingiso mu jila ya ndumbwenyi.

Mumu chinasonewa ngwo, Mwene kanambe ngwenyi, Ni mwono wami makungunwa eswe kumakaliumba kuli yami, malimi eswe kumakahalisa Zambi. Chocho kevwe mutu ni mutu wa kuli yetu kumakalumbununa ha kutwala kuli iye mwene kuli Zambi.

Alioze yoze unalele ku Ufulielo nukamutambule, hindu hi ha kuhangujola ko yuma yize anayambashana.

Yena iya, wakupatwila ngamba ya mbala? Kuli Mwene wenyi mamana, hanji malimbuka. Iye mamumanyisa; mumu Mwene mahasa kumumanyisa.