Populære bibelvers fra MATEU 6

Del

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Kanda nulipikala kashika ha tangwa lia hamene: mumu tangwa lia hamene ni yipikalo yalio. Yipi ya tangwa lieswe muyilita ni lie tangwa.

Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?

Alioze yena muze mulemba, njila mu chipatulo che cha muchima, ni muze hiwájila pito lie, ukalembe kuli Tatenu yoze uli ku tenga, ni Tatenu yoze wakumona ku tenga, kumakakukundulula.

Ngwe chino kashika lembenu ngwenu, Tata uli mu malilu, jina lie lipwe lisandu. Wanangana we wize. Upale we ulingiwe hashi chizechene ngwe unalingiwe mwilu.

Twehe kama musono mbolo yetu yize twakufupafupa.

Utukonekene kama makongo jetu ngwe yetu nawa twakukonekena waze ali ni makongo kuli yetu.

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Mumu kachi yenu munukonekena atu milonga yo, kachi Tatenu wa mwilu nawa makanukonekena.

Talenu tujila a mwilu, keshi kukuwa, chipwe keshi kucha, chipwe keshi kukungila mu machila; alioze Tatenu wa mwilu kakwahoka. Yenu kunwaahianyine chikolo, nyi?

Kanda nutulika upite hano hashi, haze ndulu ni ngengeya kuyakuvungula; haze eji kakulokola mazuwo nikwiya. Alioze litulikilenu upite mwilu, muze chipwe ndulu chipwe ngengeya kuyishi kuvungula, ni eji keshi kulokola mazuwo chipwe keshi kwiya. Mumu muze upite we uli, muze mwene muyipwa mbunge ye nawa.

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Alioze kachi Zambi chocho majika mwambu wa mu yambu, uze muupwa musono ni hamene maumbila mu jiko, Shinaho chikolo yenu, nyi? Yenu akwa Ufulielo ukepe?

Alioze yena muze muhana yawana, kwoko lie lia chimeso kanda likanyingika chize kwoko lie lia chindume mulilinga: hanga kuhana che chikapwe ku tenga: ni Tatenu yoze wakumona ku tenga, kumakakukundulula.

Keyelenu kanda nukalinga yilinga yenu ya ululi kumeso ja atu mukumoneka kuli ayo: nyi ka, kunushi kutambula kwononona nichimwe kuli Tatenu yoze uli mu malilu.

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho. Alioze yena muze mulitwamina kulia, wayisa mutwe we, usane ku meso je; hanga kuchi kasoloka kuli atu ngwe unalitwamina kulia, alioze kuli Tatenu yoze uli ku tenga: ni Tatenu, yoze Wakumona ku tenga kumakakukundulula.