Populære bibelvers fra MATEU 18

Del

Mumu kuze aali hanji atatu anakunguluka mu jina liami, kuze kwene yami kunguli mukachi ko.

Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu.

Watambikile kuli iye mwana mukepe, wamusele mukachi ko. Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mweswawo malilelesa ngwe yono mwana mukepe, mwenawo mapwa munene wahiana eswe mu wanangana wa malilu.

Mweswawo matambula mwana mukepe umuwika ngwe yono mu jina liami mangutambula yami.

Pundu ngunambe kuli yenu ngwami, Cheswacho munukasa hano hashi kumuchikakashiwa mwilu, ni cheswacho munukasulula hano hashi kumuchikakasuluka mwilu.

Chocho nawa Tata wa mwilu makalinga kuli yenu kachi kunushi kumukonekena mweswe ndumbwenyi ku mbunge yenyi.

Alioze mweswawo matalingisa umwe wa kuli wano akepe a kufuliela yami, Shinaho akamujichike liwe linene lia kutwa nalio ha kota yenyi, akamushimbamise mu jinga lia kalunga-lwiji.

Kuchi nunashinginyeka? Kachi umwe mutu mapwa ni kulakaji lia mapanga, mba umwe mapianguka, keshi kuhichika makumi livwa ni livwa, akaye ha milundu, akafupe yoze unapianguka, nyi?