Populære bibelvers fra MATEU 19

Del

Yesu nikutala meso kuli ayo, wambile ngwenyi, Kuli atu kuchishi kuhasa; alioze kuli Zambi yuma yeswe muyihasa kupwa.

Chocho hi aali nawa ko, alioze musunya umuwika. Chize kashika Zambi hananungu, atu kanda akachihandununa.

Waakumbulwile ngwenyi, Kunwatungile nyi, ngwe yoze waatangile chize ku uputukilo waatangile lunga ni pwo, ngwenyi, Ha chikuma chino mutu akahichike tato ni naye, akalinunge ni mukwo-pwo; e aali kumakapwa musunya umuwika?

Alioze Yesu wambile ngwenyi, Tayizenu ana akepe, kanda nwakanjisa kwiza kuli yami: mumu wanangana wa malilu wa wano ene.

Alioze anji atangu kumakapwa akwa kusula; ni akwa kusula kumakapwa atangu.

Ni mweswe hanahichika mazuwo, hanji ana-akwo, hanji mandumbu, hanji tato, hanji naye, hanji mukwo-pwo, hanji ana, hanji minda, mumu ha jina liami, kumakatambula kulakaji lia yisuho, mba makahinga mwono wa mutolo.

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Yesu wambile kuli iye ngwenyi, Kuchi te unanguhula ha kutwala ku chipema? Kwali umuwika mupema: alioze kachi unazange kunjila mu mwono, funga maliji a shimbi.

Cheka nawa ngwami, Chashi hali kamelu kupalika ndusu mu liso lia ndongo, chikalu hali pichi kunjila mu wanangana wa Zambi.

Alioze ngunambe kuli yenu ngwami, Mweswawo malakula mukwo-pwo shina ha upangala, mba hitunamambata mukwo, malinga utanji: ni yoze mambata yoze hanamulakula, malinga utanji.

Yesu wambile kuli tumbaji twenyi, ngwenyi, Pundu ngwami, Chikalu hali pichi kunjila mu wanangana wa malilu.