Populære bibelvers fra Apokalipsis 8

Del

Kana o Bakro putarda o eftato sello, ni asundilo niso ando miloso llik kai o dopas o saiato.

O purvo suecho basalda e tuturuga ta pela pe phuv krupe ta iag amime e ratea, ta chudinaile pe phuv. Ta iek katar suako trin kasta phabile, ta phabile sa e patra zenele.

Ta mapalal dikhlem ta asundem iekhe suecho kai furiala po maskaral katar o miloso ta phenela bare avazea: ¡Tesko, tesko e llenenge kai zivin pe phuv cheres ogola tuturuge kai si te basalen e trin suechura!

O duito suecho basalda e tuturuga, ta sargo iek baro burdo kai phabol chudinailo ande mora, ta iek katar e trin riga e morake cherdile rat.

O trito suecho basalda e tuturuga ta katar o miloso pelitar iek bari cherain kai phabola sargo iek antorcha, ta peli upral pe iek katar suako trin lena ta pe paia kai liken katar e phuv. Ta e cherain ikhardol Ajenjo; ta iek katar suako trin riga e paieke cherdile ajenjo, ta but llene mule cheres gola paia kai cherkile.

O starto suecho basalda e tuturuga ta avile ranime iek katar e trin riga e khameke ta katar o chon ta katar e cheraia te sai cherdon truniariko iek katar suako trin lendar ta te na avel villelo ande iek katar suako trin vreme e lliveseke ta i e rachake.