Populære bibelvers fra Apokalipsis 9

Del

Ta ogola manusa kai ni mule cheres gala zatranie, ni gia ni keisaile katar e ezgode kai cherena pe vastenchar ta ni mukle te blagosin e llavolonen ta e delen kai si cherde katar o sunakai, katar o rup katar o tuch katar o barr ta katar o kas, a gola dela ni dikhen ni asunen ta ni phiren. Ta ni keisaile katar o mundaripe kai cherena ni katar o drabaripe ni katar o kurvaluko ni katar o choripe.

Ta katar o thuv likiste langoste upral pe phuv ta avila lenge dini e zor kai si len e alakranura e phuviake. Ta phendilo lenge te na zatrin e patra e phuviake ta nisavo zenelipe ta ni iek kas samo te zatrin e manusen kai ni saia len o sello e Devleko pe lengo chikat.

O panchto suecho basalda e tuturuga ta dikhlem iek cherain kai pelitar katar o miloso pe phuv, ta avila lake dino o klucho katar o bunari katar e jar.

Ta avila lenge dino te na mundaren len samo te patin len panch chon ta lengi patnia saia sargo kana pusavel e manuse iek eskorpion.

Ta lengo charo si o suecho katar e jar, ta leko anav ando ebreo si Abadon, ta ando griego si Apolion.