Populære bibelvers fra Matiyə̈ 13

Del

Angâ azü wä batə̂ tchôtchô cho ndə̂ ndjî rəgʉ tû tâ. Andjë djë pö nə̈, kə̈ djê tchə̂lə̂ nə̈, andjë lë: Angânə̈ lë ngbangbo balë, angânə̈ lë tə̂ azü vötaâ, angânə̈ lë tə̂ akrə gbɛ̂ la lə̂ könô gbɛ̂.»

Angâ azü wä batə̂ cho ndə̂ âwâ lə̂ chi, ânyë ndjî rəgʉ tû tâ. Andjë djë pö nə̈, praâbalë kə̂ dɨ su andjê pâ rə tchêbêche, la gʉ kə̂ gbo arə tchêbêche rôpâ pö Ndjapä nə̈ ânyë âlêâbô lê-ê.

Azü ndə̂ andjë dje pö ndə̂ Gbölö gö-gbïɛ̈ ndə̂ tchêlafô ânyë kə̂ djeabô tchə̂lə̂ nə̈ djê, andjë wä batə̂ tchô ndroma köbo ndə̂ ndjî rəgʉ tu tâ. Ngbongbo akrə nə̂, ânyë kə̈ krʉ̂a rə ndə̂ a lû rə̂ lə̂ su azü nə̈.

Angâ azü wä batə̂ cho ndə̂ âwâ la täme ânyë ndjî rəgʉ nə̈ tû tâ. Andjë djë pö nə̈, kə̈ gâmba rə̂ la mômô, praâbalë pö Ndjapä nə̈ mbôâbo chëchë yê bhâtə̂ su andjê-a. Andjë djë rə̂ la su andjê ndə̂ ngâ kpîɛ̂kpîɛ̂ lö, ngâ gbôgbô rə âsə̈ mbo tə̂ andjê, âdəndjë rə̂ ndə̂ a sə̂ lakə̂ mbo andjê la yûkü bëte pö nə̈, djîrə̂, andjë gbotə̂ köbo nə̈-ê.

«Gbölö gö-gbïɛ̈ ndə̂ tchêlafô wä batə̂ ngâ rə ndə̂ a zâ rə̂ wü bhâlə̂ kɨ̈ndɨ̈. Ngâ akrə gbô rə̂ ânyë kə̈ kä zâ tchêndə̂ nə̈ wü. Su yê wâ la mômô tə̂ gbölösə̂nə̈ ânyë tche gû, kə̈ kâ arə gbɛ̂ ndə̂ tche wâ la rə̂, ânyë kə̈ yô kɨ̈ndɨ̈ nə̈ lâme.

Angânə̈ tû lə̂ tchôtchô cho, rəgʉ nə̈ kpô kə̈ lê. Ngânə̈ balë lê ngbangbo balë, angânə̈ lê tə̂ azü vötaâ, angânə̈ lê tə̂ akrə gbɛ̂ la tchêpâ nə̈ lə̂ könô gbɛ̂.

Nyë gbötə̂ arə nə̈ gbɛ̂ âkpo lə̂ köbo nə̈ balë zoo âwutu tə̂ lo kə̂ soa arəgʉ nə̈. Âdə lo kə̂ soa rəgʉ nə̈ âwutu nə̂, mê toadje rə̂ sə̈ a-earə̂ kua ndə̂ mê päkëdə̂: Nyë sü angbongbo bë nə̈ dokʉ̈tchê kə̂ pala rə̂ kə̂ cho rə̂. Pânə̈ nyê roa atchôtchô blë nə̈, kə̂ kʉ rə̂ lə̂ gro ndə̂ mê.›»