Populære bibelvers fra रोमि 4

Del

निनाम्‍हाङ्‌ओ अ़चुहिप्‍माय़ङ्‌ओ अ़तुक्‌वादा मान्‍केङ्‍आ खो देत्‍छाङ मुमा मान्‍ऱदो, मेन अ़साकोङ्‌छ़ङ्‌दा च़लोक पोन्‌याङ्‌सा खारा, मोवात्‍नि खोसाआ निनाम्‍हाङ साया मेत्‍तु। खो अ़हिप्‍ताओ य़ङ निनाम्‍हाङ्‌आ झारा तामालामा अ़ऱ निकिना अब्राहाम अ़नुछ्‍या साकोङ्‌छ़ङ मुवाङा।

साम्‍कालिन्‌दा ओवात्‍नि छाप्‍तायुङ्‌सा, “अ़ङ्‌का खाना ब़द्‍धे रावाचिओ अ़चुसुन्‍तुम मुनायुङ्‌ना।” निनाम्‍हाङ्‌ओ अ़चुखाङ्‌मादा अब्राहाम आन्‍पा ओ, देकिनालो म़सुवादाओचि काखोन्‍लोन खोन्‍कि म़चेप्‌हिदाङा मात्‍द़ङ्‍ओदाङ्‌का सामाचि कामुन्‌एदा अब्राहाम साकोङ्‌छ़ङ मुवा।

येसु आन्‍हेवाचिओ निम्‍पाङ म़सुवा खोन्‍कि आन्‍कान साम्‌योक्‍मि कान्‍माओ निम्‍पाङ म़सुवादाओदाङ्‌का निनाम्‍हाङ्‌आ अ़लासाखोन्‍तालोइसा।

“आम्‍छाचिछाङ ओवात्‍निङा ब़द्‍धे म़लि”निम्‍पाङ निनाम्‍हाङ म़य़ङावात्‍नि, अ़क्‍छेप्‍छाङ सोम्‍कुवा मात्‍द़ङ्‌याङ्‌ओ ग़रि अब्राहाम साकोङ्‌छ़ङ मुवा खोन्‍कि खो ब़द्‍धे रावाचिओ अ़चुसुन्‍तुम लिसा।

खोन्‌ओसा हिप्‍माय़ङ साकोङ्‌छ़ङ्‌लाप्‍मा ता। ओ निनाम्‍हाङ्‌ओ अ़चुसोमातुक्‍मादा मोहा प़माय़ङ आसिखा ओ। ओसाआ अब्राहाम्‌ओ झारा अ़भुङ्‌चिओ निकि अ़छ़ङ मु। ओ हिप्‍माय़ङ य़ङ्‌हुप्‌वात्‍नि काच़चिओ निम्‍पाङ ओन्‍ङा माआङ, मेन अब्राहाम्‌वात्‍नि साकोङ्‌छ़ङ कामुचिओ निम्‍पाङ्‌छाङ ओ, देकिनालो अब्राहाम झारासोओ आन्‍लावामि आन्‍पा ओ।

“साङ्‌चिओ अ़चुओ अ़अ़त्‍पा काचिचि म़लेत्‍तुप़युङ्‌सुचि, खोन्‍कि निनाम्‍हाङ्‌आ अ़चुहेवाचि म़दिप्‍तुप़युङ्‌सुचि, मोचि आसिखा कातोक्‌चि ओ। साङ्‌कोओ अ़हेवाओ अ़लुङ निनाम्‍हाङ्‌आ ऩलोउन, मो म़ना आसिखा कातोक ओ।”

देकिनालो साम्‍कालिन्‌आ म़लोयाङ, “अब्राहाम्‌आ निनाम्‍हाङ साकोङ्‌छ़ङ मु, खोन्‍कि निनाम्‍हाङ्‌आ खो साम्‌योक्‍मि अ़काइसा।”