Populære bibelvers fra Ore i mexü̃ ga Luca ümatüxü̃ 7

Del

Rü ngẽmaca̱x woo namu i ngĩrü pecadugü, natürü Tupana ngĩxü̃́ nüxü̃ narüngüma i guxü̃ma, erü ngĩma rü aixcüma choxü̃ ingechaü̃. Rü ngẽxguma wüxi i íxraxü̃ i guxchaxü̃ texéaxü̃́ nüxü̃ rüngü̃magu rü naxíra i tümaarü ngechaü̃ —ñanagürü. Rü yexguma ga Ngechuchu rü yema ngecüxü̃ ñanagürü: —Curü pecadugü rü marü cuxü̃́ nüxü̃ changechaü̃ —ñanagürü.

Natürü ga Ngechuchu rü ñanagürü ngĩxü̃ ga yema ngecü: —Curü õgagu rü marü nüxna ícunguxuchi i curü pecadugü. ¡Rü taãẽãcüma nataegu! —ñanagürü.

Rü naxauxãcüma Ngechuchucutüxü̃tawa iyarütoxõchi. Rü ngĩxgüxü̃xetümaxã iyawaicutüxẽxẽ. Rü ngĩyaemaxã ínapicutü, rü inachúxcutü. Rü ñu̱xũchi yema pumaramaxã inachacutü.

Rü ngẽmaca̱x nixĩ i tama chomatama cuxca̱x chayaca̱xaxü̃. Rü chanaxwa̱xe i curü orewaxicatama nüxü̃ quixu nax naxca̱x yataanexü̃ i chorü duü̃xü̃. Erü choma rü ta chorü ãẽ̱xgacüme̱xẽwa changexma, rü cho̱xme̱xwa nangẽxmagü ta i ñuxre i churaragü. Rü ngẽxguma chanamuxgu i wüxi nax ngextá naxũxü̃ca̱x, rü ngéma naxũ. Rü ngẽxguma chaugüxü̃tawa naxca̱x changemagu i to, rü chauxü̃tawa nangu. Rü ngẽxguma chorü duü̃xü̃xü̃ chamuxgu nax ta̱xacü naxüxü̃ca̱x, rü choxü̃́ nanaxü —ñanagürü. Rü nüma ga Ngechuchu rü yexguma nüxü̃ naxĩnügu ga yema capitáü̃arü ore rü naba̱i̱xãchiãxẽ. Rü yema duü̃xü̃gü ga nawe rüxĩxü̃xü̃ nadawenü, rü ñanagürü: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ngẽma yatürüxü̃ aixcüma yaxõxü̃ —ñanagürü.

Rü yexgumatama Ngechuchuxü̃tawa nangugügu ga Cuáü̃arü ngúexü̃gü, rü Ngechuchu nanameexẽxẽ ga muxü̃ma ga duü̃xü̃gü ga naguxü̃raü̃xü̃ ga da̱xawemaxã ida̱xaweexü̃ rü yema ingo̱xoã́xü̃. Rü nayadauuchigüxẽxẽ ga muxü̃ma ga ingexetüxü̃. Rü yemaca̱x Ngechuchu nanangãxü̃ rü ñanagürü: —¡Pewoegu rü Cuáü̃maxã nüxü̃ peyarüxu i ngẽma pematama nüxü̃ pedauxü̃ rü nüxü̃ pexĩnüexü̃! ¡Rü namaxã nüxü̃ pixu i ngẽma ingexetüxü̃ rü marü nidauuchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ingearü diẽruã̱xgüxü̃maxã marü nüxü̃ tixu i Tupanaarü ore i mexü̃!