Populære bibelvers fra KAJAJIYANG 35

Del

Nainappa makkedasi Allataala, “Iyya'na Allataala Iya Pommakuwasaé. Sitinajako makkéana' eppo iya maégaé! Namuwabbija-bijangngi matu bangsa-bangsaé sibawa mancaji ambo'na toriyolona sining arungngé. Wanuwa iya puraé Uwabbéréyang lao ri Abraham, sibawa Ishak, Uwérékko matu sibawa wija-wijammu.”

Nainappa makkeda Yakub lao ri kaluwargana sibawa lao risininna tau iya engkaé silaong aléna, “Maéloki joppa polé kuwaé sibawa lao ri Bétel. Maéloka patettong mézba kuwaro untu' Allataala iya puraé tulukka ri wettu asukkarakekku sibawa iya puraé linrungika kégi-kégika lao. Jaji abbéyanni déwata-déwata dé'é muwissengngi iya engkaé ri iko; namupogau' upacara pappépaccing alé sibawa pakéi pakéyang iya mapaccingngé.”

Nakkeda Allataala lao ri aléna, “Dé'na nariyasekko matu Yakub, iyakiya Israél.” Makkuwaniro Allataala masengngi Israél.

Nainappa makkeda Yakub lao ri kaluwargana sibawa lao risininna tau iya engkaé silaong aléna, “Maéloki joppa polé kuwaé sibawa lao ri Bétel. Maéloka patettong mézba kuwaro untu' Allataala iya puraé tulukka ri wettu asukkarakekku sibawa iya puraé linrungika kégi-kégika lao. Jaji abbéyanni déwata-déwata dé'é muwissengngi iya engkaé ri iko; namupogau' upacara pappépaccing alé sibawa pakéi pakéyang iya mapaccingngé.”

Riséuwaé esso makkedai Allataala lao ri Yakub, “Iyya'na Allataala iya mappaitangngé alé lao ri iko wettummu lari polé ri kakamu Esau. Laono masitta ri Bétel. Onrono kuwaro sibawa patettongek-Ka séddi mézba.”

Iyakiya nacawékini Rahél ajjalenna, sibawa wettunna maélo leppu nyawana, nasenni iyaro ana'é Bén-Oni iyakiya ambo'na masengngi Bényamin.