Populære bibelvers fra مزگینیا مەتتای 6

Del

لێ هوین ل پێشیێ بزاڤێ بۆ پاشایەتیا خودێ و راستداریا وی بكەن، ئەڤە هەمی ژی بۆ هەوە دێ هێنە دان.

ژ بەر ڤێ چەندێ خەما سوبەهی نەخۆن، چنكو سوبەهی دێ خەمێ ژ خۆ خۆت. دەردێن هەر رۆژەكێ تێرا وێ هەنە!

ژ بەر ڤی ئەگەری ئەز دبێژمە هەوە: خەما ژیانا خۆ هەلنەگرن كا دێ چ خۆن و چ ڤەخۆن، یان لەشێ خۆ كا دێ چ كەنە بەر خۆ. ما ژیان ب تنێ خوارنە؟ و لەش ژی ب تنێ جل و بەرگە؟

لێ دەمێ تۆ نڤێژێ دكەی، هەڕە د ژۆرا خۆ ڤە و دەرگەهی بگرە و بۆ بابێ خۆ، ئەوێ نەبەرچاڤ، نڤێژان بكە و بابێ تە، ئەوێ نەپەنیان دبینیت، دێ پاداشتێ تە دەتە تە.

ئەڤجا هوین نڤێژان هۆسا بكەن: بابێ مە یێ ل ئەسمانان، بلا ناڤێ تە پیرۆز بیت، بلا پاشایەتیا تە بهێت، بلا حەزا تە ب ج‍‌ھ بهێت، كا چەوا ل ئەسمانی، هەروەسا ل سەر ئەردی ژی.

نانی تێرا مە، ئەڤرۆ بدە مە.

ل قەرێن مە ببورە، هەروەكو ئەم ل قەردارێن خۆ دبورین.

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

ئەگەر هوین ل گونەهێن خەلكی یێن د دەرهەقا هەوە دا دهێنە كرن ببورن، بابێ هەوە یێ ئەسمانی ژی دێ ل گونەهێن هەوە بوریت،

بەرێ خۆ بدەنە باڵندەیێن ئەسمانی: ئەو نە دچینن و نە ددروین و نە ژی د عومباران دا كۆم دكەن و بابێ هەوە یێ ئەسمانی خوارنێ ددەتێ. ئەرێ ما هوین گەلەك ژ وان ب بهاتر نینن؟

گەنجینەیان بۆ خۆ ل سەر ئەردی كۆم نەكەن، ل وی جهێ دێ ژەنگ و خویرك پویچ كەن و دێ دزیكەر كونكەن و دزن. لێ گەنجینەیان بۆ خۆ ل ئەسمانی كۆم كەن، ل وی جهێ نە ژەنگ و خویرك پویچ دكەن و نە دزیكەر كون دكەن و ددزن. چنكو گەنجینەیا تە ل كیرێ بیت، دلێ تە ژی دێ ل وێرێ بیت!

كەس نەشێت خزمەتا دوو خودانان بكەت، چنكو یان دێ كەرب ژ ئێكی ڤەبن و حەز ژ یێ دی كەت، یان ژی دێ گەهیتە ئێك ژ وان و یێ دی پشت گو‍‌ھ ڤە هاڤێت. هوین نەشێن خزمەتا خودێ و پارەی بكەن.

ئەگەر خودێ گول و گیایێ ئاقاری، ئەوێ ئەڤرۆ هەی و سوبەهی دهاڤێژنە د تەنویرێ دا، هۆسا ب جلك بئێخیت، ئەرێ گەلی كێمباوەران، ما نە گەلەك مسۆگەرترە ئەو هەوە ب جلك بئێخیت؟

لێ دەمێ تۆ خێرەكێ دكەی، نەهێلە دەستێ تە یێ چەپێ بزانیت كا دەستێ تە یێ راستێ چ دكەت، داكو خێرا تە یا نەپەنی بیت و بابێ تە، ئەوێ نەپەنیان دبینیت، دێ پاداشتێ تە دەتە تە.

هشیار بن ئایینداریا خۆ ل پێش چاڤێن خەلكی نەكەن داكو ژ لایێ وان ڤە بهێنە دیتن، چنكو هنگی هەوە ل نك بابێ خۆ یێ ل ئەسمانان پاداشت نابیت.

دەمێ هوین رۆژیان دگرن، ناڤ چاڤێن خۆ تێك نەدەن، هەروەكو دووڕوی دكەن، چنكو ئەو ناڤ چاڤێن خۆ تێك ددەن دا بۆ خەلكی دیار بكەن كو ئەو ب رۆژینە. ب راستی دبێژمە هەوە: وان پاداشتێ خۆ وەرگرتیە. لێ دەمێ تۆ رۆژیێ دگری، دێمێ خۆ بشوو و سەرێ خۆ چەور بكە، دا نە بۆ خەلكی، لێ بۆ بابێ تە یێ نەهێتە دیتن، دیار ببیت كو تۆ یێ ب رۆژی. ئەڤجا بابێ تە، ئەوێ نەپەنیان دبینیت، دێ پاداشتێ تە دەتە تە.