Populære bibelvers fra उत्पत्ति 22

Del

अब्राहम नै उस जगहां का नाम यहोवा यिरे धरया, इसकै मुताबिक आज ताहीं भी कह्या जावै सै, “यहोवा कै पहाड़ पै इन्तजाम करया जावैगा।”

परमेसवर नै कह्या, “अपणे बेट्टे नै यानिके अपणे इकलौते बेट्टे इसहाक नै, जिसतै तू प्यार करै सै, गैल लेकै मोरिय्याह देश म्ह चल्या जा, अर ओड़ै उसनै एक पहाड़ कै उप्पर जो मै तन्‍नै बताऊँगा होमबलि करकै चढ़ा।”

उसनै कह्या, “उस छोरे पै हाथ ना बढ़ावै, अर उसकै कुछ ना करै; क्यूँके तन्‍नै जो मेरै तै अपणे बेट्टे, बल्के अपणे इकलौते बेट्टे ताहीं भी, न्ही राख छोड्या; इसतै इब मै जाण ग्या सूं, के तू परमेसवर का भय मान्‍नै सै।”

अब्राहम नै कह्या, “हे मेरै बेट्टे, परमेसवर होमबलि की भेड़ का इन्तजाम आप्पे करैगा।” अर वे दोन्‍नु गैल-गैल आग्गै चाल्दे गये।

इस करकै मै पक्‍का तन्‍नै आशीष दियुँगा; अर जरुर तेरी पीढ़ी नै अकास के तारागण, अर समुन्दर तट कै रेत के कणां की ढाळ अनगिणत करुँगा, अर तेरी पीढ़ी दुश्मनां कै नगरां के अधिकारी होवैगें; अर धरती की सारी जात तेरी पीढ़ी कै कारण आशिषित होवैगीं: क्यूँके तन्‍नै मेरी बात मान्‍नी सै।”

इन बात्तां कै बाद इसा होया के परमेसवर नै, अब्राहम तै न्यू कहकै उसकी परीक्षा ली, “हे अब्राहम!” उसनै कह्या, “देख, मै उरै सूं।”

फेर यहोवा के दूत नै सुर्ग तै उस ताहीं कै कह्या, “हे अब्राहम, हे अब्राहम!” उसनै कह्या, “देख, मै उरै सूं।”

फेर यहोवा कै दूत नै दुसरी बार सुर्ग तै अब्राहम नै रुक्‍का मारकै कह्या, “यहोवा की या वाणी सै, के मै अपणी ए या कसम खाऊँ सूं के तन्‍नै जो यो काम करया सै के अपणे बेट्टे, बल्के अपणे इकलौते बेट्टे नै भी, न्ही राख छोड्या

वे उस जगहां पै पोहचे जो परमेसवर नै उस ताहीं बताई थी; फेर अब्राहम नै ओड़ै वेदी बणाकै लाकड़ियाँ ताहीं चुण-चुणकै धरया, अर अपणे बेट्टे इसहाक नै बाँधकै वेदी पै धरी लाकड़ियाँ कै उप्पर लिटा दिया।