Populære bibelvers fra Mbaromanu 14

Del

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye. Or u nan eren Kristu tom sha gbenda ne yô, á doo Aôndo a nan, ior kpaa vea rumun nan.

Gadia shin sea lu uma, kpa ka sha ci u Ter se lu uma ye, shin sea kpe kpaa, ka sha ci u Ter se kpe ye, nahan yô, shin sea lu uma shin sea kpe kpaa se mba kwagh u Ter.

Nahan yô, se keren nen kwagh u nan bem man shi kwagh u se maan a maa ayol a ase sha mi.

Nahan yô, se kera gbaa nan ayol ase ibo tsô ga, kpa guda yô, se wa nen ken ishima ser, sé kera na anmgbian anzughul ga shin ityôikaa i nôngon gbev kpaa ga.

Gadia i nger er: Ter ngu kaan er: Er Mo M lu u uma ne, ka sha ishigh Yagh hanma inyu ia gure ye, hanma nombor kpaa ua wuese Aôndo. Kape hanmô wase nana va ôr [Aôndo] kwagh u nan iyol i nan je la.

Or u nan taver sha jighjigh u nan ga la kpaa, rumun nen nan, kpa i̱ de lu sha u hendan kwagh sha anyimanakaa ga.

We, u ngu nyi man u ne wanye u orgen ibo? Shin una tile, shin una gba kpaa ka kwagh u Ter na je.