Populære bibelvers fra गलाती 2

Del

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

छतसि ङइ खोंयोंइ बिलै परमेश्‍वरए दयाम्हाँयाए फिर भर लम्, तलेबिस्याँ ठिम म्‍हाँदिसि म्हिमैं परमेश्‍वरए उँइँर ठिक ठर्दिल् खाँम् बिस्‍याँ ख्रीष्‍ट फाक्‍कर्न सिइ!”

ङइ पत्रुसने अझै बिइ, “ङ्योम् फिब् ओंनोंबै यहूदी ग, अरू ह्रेंमैं धोंबै पापिमैं ङ्यो आङिं। दिलेया ‘यहूदीमैंए ठिम म्‍हाँदिसि म्हि ठिक आठर्दि, येशू ख्रीष्‍टए फिर बिश्‍वास लसि मत्‍त्रे म्हिमैं परमेश्‍वरए उँइँर ठिक ठर्दिम्,’ बिसि ङ्योइ था सेइमुँ। ठिमइ लद् बिबै के लबर्न परमेश्‍वरए उँइँर खाबै या ठिक ठर्दिल् आखाँ। छतसि ख्रीष्‍टए फिर बिश्‍वास लसि मत्‍त्रे ङ्यो परमेश्‍वरए उँइँर ठिक ठर्दिरिगे बिसि ङ्योज्यै या ख्रीष्‍ट येशूए फिर बिश्‍वास लइ।