Populære bibelvers fra गलाती 3

Del

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।

परमेश्‍वरजी अब्राहामने पिंबै आशिक येशू ख्रीष्‍टउँइँले अरू ह्रेंमैंज्यै या योंरिगे धै खीजी बाछा फैसि पिंम् बिबै पबित्र प्ल्ह ङ्योए बिश्‍वासउँइँले ङ्योइ योंरिगे बिसि ख्रीष्‍टजी सै फोसि ङ्योलाइ खामिंइ।

छतसि ठिमइ बिब् धोंले लसि खाबै या परमेश्‍वरए उँइँर ठिक ठर्दिल् आखाँ बिसि परमेश्‍वरए छ्वेर छेनाले प्‍ह्रिथेंइमुँ: “खाब् म्‍हिइ परमेश्‍वरए फिर बिश्‍वास लमुँ, च म्‍हिन् खीए उँइँर ठिक ठर्दिब्मुँ, धै चइ खोंयोंइ आखाँबै छ्ह योंब्‍मुँ।”