Populære bibelvers fra कलस्सी 1

Del

खीजी ङ्योलाइ शैतानए मिछु खैबै ग्याल्सउँइँले फ्रेपखसि खीए खोबै च्‍ह येशू ख्रीष्‍टए ग्याल्सर पखइमुँ।

तलेबिस्याँ ख्रीष्‍टउँइँलेन् परमेश्‍वरजी स्‍वर्ग नेरो पृथ्‍बीर्बै ताँन् सैमैं बनेइ। म्रोंल् खाँबै सैमैं, म्रोंल् आखाँबै सैमैं, ताँन् शक्‍ति मुँबै सैमैं परमेश्‍वरजी ख्रीष्‍टउँइँलेन् ख्रीष्‍टए ल्हागिर्न बनेइ।

ख्रीष्‍ट ताँन् सै भन्दा ओंसों मुँल, खीजी खै बिमुँ ताँन् सैमैं छान् तम्।

म्‍हिमैंइ परमेश्‍वर म्रोंल् आखाँ, दिलेया परमेश्‍वर खैब मुँ, येशू ख्रीष्‍टै या छाबन् मुँ। परमेश्‍वरजी ह्‍युल बनेब् भन्दा ओंसोंन् ख्रीष्‍ट मुँल, खी ताँन् बनेबै सै भन्‍दा थेब ग।

छतसि च ताँ थेबै त्हिंइ सेरोन् ङिइ क्हेमैंए ल्हागिर प्राथना लब आपिइमुँ। परमेश्‍वरए पबित्र प्ल्हजी पिंबै बुद्धि नेरो क्‍होबै सैं योंसि क्हेमैंइ खीजी बिब् धोंले तो के लल् त्‍हुम् बिसि छेनाले क्‍होरिगे बिसि ङिइ यो छ्युँ लम्। च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।