Populære bibelvers fra फिलिप्पी 4

Del

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।

झाइले सैंज्यै आमैंबै परमेश्‍वरए शान्‍तिजी क्हेमैंए नरिबै सैं नेरो प्ल्होंरिबै खोंलाइ येशूउँइँले छिं ङ्हाँन् लमिंब्मुँ।

ओ अलि-अङाँमैं, आखिरि ताँ चु मुँ: तो ताँमैं क्ह्रोंसेंन्बै मुँ, तो ताँमैं म्हाँदिल् त्हुब मुँ, तो ताँमैं ठिक मुँ, तो ताँमैं बेल्‍ले स्‍वाब मुँ, तो ताँमैंए बारेर छ्याँब बयन तमुँ, तो ताँमैं छ्याँब मुँ, तो ताँर म्हाँया लल् त्हुब मुँ, तो ताँर ल्हयो खल् त्हुब मुँ, अझै छ्याँब लल् त्हुब नेरो थेब लल् त्हुबै ताँ तोइ मुँस्याँ, चु ताँमैं छेनाले मैंन्।

तलेबिस्याँ ख्रीष्‍टजी ङलाइ तआन् सैए फिर ट्होबै भों पिंइमुँ। छतसि ङइ चु ताँन् सै लल् खाँम्।

छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।

खैले क्हेमैंइ पिंइमुँ छलेन क्‍हेमैंलासे या तो सै चैदिलेया, ङए परमेश्‍वरजी खीए च्योलै आखाँबै सै न्होरउँइँले ख्रीष्‍ट येशूउँइँले क्हेमैंलाइ चैदिबै सैमैं पिंब्मुँ।

क्‍हेमैंइ ङउँइँले तो तो ताँ लोइ, धै तो ताँ थेइ, ङए छ्हर क्हेमैंइ तो ताँ म्रोंइ, च धोंन् लद्। छलस्याँ शान्‍ति पिंबै परमेश्‍वर क्‍हेमैंने तब्‍मुँ।

क्हेमैं सैदिल् खाँब्मैं ग बिब ताँन् म्हिमैंइ सेरिगे। प्रभु युनन् युमुँ

ङ खैले च्योंब् तब, खैले थेब् तब, बिबै ताँ या ङइ सेइमुँ। ङ चल् योंलेया आयोंलेया, ङने तोन्दोंरि सै मुँलेया तोइ आरेलैया, खैबै त्हेरै या सन्तोकले टिल् खाँबै ताँ ङइ सेइमुँ।

खाँचो तइ बिसि ङइ छ बिब आङिं, तलेबिस्याँ ङए फिर खैबै दुःख तलेया सैं तोंब ङइ लोइमुँ।