Populære bibelvers fra လံာ်မၢ်ကူး 12

Del

ယ့ၣ်ၡူးစံးဆၢက့ၤအီၤ, “တၢ်မၤလိာ်အဒိၣ်ကတၢၢ်မ့ၢ်အအံၤ, ‘ကနၣ်တက့ၢ်. သုဝဲပှၤအံၣ်စရ့လးဖိသ့ၣ်ဧၢ, ကစၢ်လၢအမ့ၢ်ပယွၤန့ၣ်မ့ၢ်ကစၢ်ထဲတဂၤဧိၤလီၤ. ဒီးသုဘၣ်အဲၣ်သုယွၤသုကစၢ်ယွၤလၢသုသးဒီဖျၢၣ်ညါ, လၢသုသူၣ်ကံၢ်သးလဲ, လၢသုတၢ်ကူၣ်တၢ်ဆးတုၤအလၢာ်, ဒီးသုဂံၢ်သုဘါခဲလၢာ်လီၤ.’ တၢ်မၤလိာ်အဒိၣ်ကတၢၢ်ခံထံၣ်တထံၣ်မ့ၢ်အအံၤလီၤ. သုဘၣ်အဲၣ်ပှၤဂၤဒ်သုအဲၣ်လီၤသုသးဒၣ်သုဝဲအသိးန့ၣ်လီၤ. တၢ်မၤလိာ်အဂၤလၢအဒိၣ်န့ၢ်တၢ်ခံထံၣ်အံၤတအိၣ်ဘၣ်.”

ယ့ၣ်ၡူးကိးဃီၤအပျဲၢ်အဘီၣ်တဖၣ်ဒီးစံးဘၣ်အဝဲသ့ၣ်, “ယစံးဘၣ်သုတီတီလီၤ. မုၣ်ကမဲလၢအဖှီၣ်တဂၤအံၤဒၢနုာ်တိၢ်မၤဘူၣ်လၢတလါအပူၤ အါန့ၢ်ပှၤအဂၤတဖၣ်ခဲလၢာ်တက့ၢ်လီၤ. အဂ့ၢ်ဒ်လဲၣ်န့ၣ်, အဝဲသ့ၣ်တဖၣ်ဟ့ၣ်မၤဘူၣ်လီၤဒၣ်အတၢ်အိၣ်ဘျဲၣ် အိၣ်စဲၢ်လီၤ. မ့မ့ၢ်ပိာ်မုၣ်တဂၤအံၤ, လၢအတၢ်ဖှီၣ်တၢ်ယာ်အပူၤဒၢနုာ်လီၤဝဲကယဲၢ်တၢ်အိၣ်ဒီးအီၤန့ၣ် ခဲလၢာ်, တၢ်လၢကလုၢ်အီၣ်အသးသမူအဂီၢ်န့ၣ်လီၤ.”

ယ့ၣ်ၡူးဆ့ၣ်နီၤဝဲဖဲပှၤဒၢနုာ်တိၢ်မၤဘူၣ်အလီၢ်အမဲာ်ညါလိၤ လိၤအဖၢမုၢ်န့ၣ်, ထံၣ်ပှၤတဖၣ်ဒၢနုာ်အတိၢ်မၤဘူၣ်လၢတၢ်မၤဘူၣ်အတလါတဖၣ်ပူၤ လီၤ. ပှၤထူးပှၤတီၤအါဂၤဒၢနုာ်တိၢ်အါအါကလဲာ်လီၤ. အန့ၣ်ဝံၤမုၣ်ကမဲလၢအဖှီၣ်တဂၤဟဲဒီးဒၢနုာ်လီၤဝဲတိၢ်ဂီၤ မဲာ်ဖိခံဘ့ၣ်လၢအလီၤလၢတိၢ်တဘ့ၣ်န့ၣ်လီၤ.

ပှၤကညီတဂၤမ့ၢ်အဲၣ်ကစၢ်ယွၤလၢအသးဒီဖျၢၣ်ညါ, လၢအတၢ်ကူၣ်တၢ်ဆးတုၤအလၢာ်, ဒီးလၢအတၢ်ဂံၢ်တၢ်ဘါခဲလၢာ်, ဒီးမ့ၢ်အဲၣ်ပှၤကညီကဒဲကဒဲဒီးအီၤဒ်အအဲၣ်လီၤအသးဒၣ်ဝဲန့ၣ်, မ့ၢ်တၢ်အဂ့ၤဒိၣ်န့ၢ်ဒံးတၢ်လုၢ်မ့ၣ်အူလၢအမ့ၢ်တၢ်လုၢ်ဆၣ်ဖိကီၢ်ဖိဒီဒု, ဒီးတၢ်လုၢ်အဂၤတဖၣ်ခဲလၢာ်တက့ၢ်လီၤ.”

ယ့ၣ်ၡူးစံးဘၣ်အဝဲသ့ၣ်, “ဂ့ၤလံ, မ့မ့ၢ်ဒ်န့ၣ်ဒီး ရိမ့ၤအစီၤပၤဖးဒိၣ် အတၢ်န့ၣ်ဟ့ၣ်ရိမ့ၤအစီၤပၤဖးဒိၣ်, ဒီးကစၢ်ယွၤအတၢ်န့ၣ်ဟ့ၣ်ကစၢ်ယွၤတက့ၢ်.” ယ့ၣ်ၡူးစံးတၢ်အံၤဒုးကမၢကမၣ်အဝဲသ့ၣ်ဒိၣ်ဒိၣ်ကလဲာ်လီၤ.