Populære bibelvers fra လံာ်မၢ်ကူး 13

Del

လၢယဃိပှၤခဲလၢာ်ကသးဟ့သုလီၤ. ဘၣ်ဆၣ်ဒီးပှၤတဂၤလၢ်လၢ်လၢအအိၣ်ဂၢၢ်ကျၢၤဝဲတုၤအကတၢၢ် တစုန့ၣ်, ယွၤကအုၣ်က့ၤခီၣ်က့ၤအီၤလီၤ.

ပလီၢ်သုသးတက့ၢ်. အိၣ်ကတီၤသးဒီးထုကဖၣ်တက့ၢ်. အဂ့ၢ်ဒ်လဲၣ်န့ၣ်, တၢ်ကမၤအသးအဆၢကတီၢ်ကဘၣ်ခဲလဲၣ်န့ၣ်သု တသ့ၣ်ညါဘၣ်.

ဒီးတဘျီလၢ်လၢ်ဖဲတၢ်ဖီၣ်သုဒီးတၢ်ဆှၢထီၣ်သုလၢတၢ် ကစံၣ်ညီၣ်သုအဂီၢ်န့ၣ်, သုကဘၣ်စံးဘၣ်ကတိၤတၢ်မနုၤလဲၣ်န့ၣ်သုတဘၣ်သူၣ်ကိၢ်သးဂီၤဆိ ပာ်တဂ့ၤ. မ့မ့ၢ်တုၤအဆၢကတီၢ်ဘၣ်ဒီး, ကတိၤတၢ်ကတိၤလၢတၢ်ဟ့ၣ်သုဖဲအကတီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်တမ့ၢ်သုကတိၤသုတၢ်ကတိၤဒၣ်ဝဲဘၣ်. သုတၢ်ကတိၤတဖၣ်ဟဲလၢသးစီဆှံတခီလီၤ.

မူခိၣ်ဒီးဟီၣ်ခိၣ်အစိၤကကတၢၢ်ကွံာ်ဝဲဒၣ်, ဘၣ်ဆၣ်ဒီးယတၢ်ကတိၤတဖၣ်ကအိၣ်ဂၢၢ်ဆိးကျၢၤလီၤစိၤလီၤထီလီၤ.

မ့မ့ၢ်တၢ်တဖၣ်အံၤကမၤအသးအမုၢ်နံၤမုၢ်သီအဆၢကတီၢ်နၣ်ရံၣ် န့ၣ်, ပှၤတသ့ၣ်ညါနီတဂၤဘၣ်. ကလူးလၢမူခိၣ်တဖၣ်မ့ၢ်ဂ့ၤ, ဖိခွါမ့ၢ်ဂ့ၤတသ့ၣ်ညါဝဲဘၣ်. ပှၤသ့ၣ်ညါတၢ်အံၤမ့ၢ်ထဲပၢ်တဂၤဧိၤလီၤ.

ဒီးတုၤသုနၢ်ဟူဘၣ်တၢ်ဒုးတၢ်ယၤသီၣ်ထီၣ်သဲထီၣ်ဖဲတၢ်လီၢ် ဘူးဒီးသု, ဒီးသုမ့ၢ်န့ၢ်ဘၣ်တၢ်ကစီၣ်လၢတၢ်ဒုးတၢ်ယၤအိၣ်ထီၣ် စ့ၢ်ကီးလၢအယံၤန့ၣ်, သုတသူၣ်ကိၢ်သးဂီၤတဂ့ၤ. တၢ်တဖၣ်အံၤကဘၣ်မၤအသး, ဘၣ်ဆၣ်တမ့ၢ်ဒံးတၢ်အစိၤကတၢၢ်ဘၣ်.

လၢတၢ်န့ၣ်အဃိဆိးသီတက့ၢ်. အဂ့ၢ်ဒ်လဲၣ်န့ၣ်ဟံၣ်ကစၢ်ကဟဲက့ၤအကတီၢ်ဖဲလဲၣ်, လၢဟါခီ, လၢဖးဖီမုၢ်, လၢဆီဖါအိၣ်အိအကတီၢ်, လၢမုၢ်ဆ့ၣ်ထီၣ်ဧါန့ၣ်, သုတသ့ၣ်ညါသုဝဲဘၣ်. ဟံၣ်ကစၢ်မ့ၢ်ဟဲက့ၤဝဲသတူၢ်ကလာ်ဒီး, ကထံၣ်န့ၢ်ဘၣ်ဖုးသုမံသပ့ၤဘၣ်သုသးလီၤ. တၢ်လၢယစံးဘၣ်သုအံၤမ့ၢ်ယစံးဘၣ်ပှၤကိးဂၤဒဲးလီၤ. ဆိးသီတက့ၢ်.”

ပှၤကလုာ်တဖၣ်ကဂဲၤဆၢထၢၣ်ထီဒါလိာ်အသး တကလုာ်ဒီး တကလုာ်, ဒီးထံကီၢ်ဘီမုၢ်တဖၣ်ကဒုးလိာ်အသးတဘီမုၢ်ဒီး တဘီမုၢ်လီၤ. ဟီၣ်ခိၣ်ကဟူးဝးဝဲလၢတၢ်လီၢ်သကုၤဆးဒး, ဒီးတၢ်သၣ်ဝံၤလီၤဒိတဖၣ်ကအိၣ်စ့ၢ်ကီးဝဲလီၤ. တၢ်တဖၣ်အံၤမ့ၢ်တၢ်နးတၢ်ဖှီၣ်အခီၣ်ထံးန့ၣ်လီၤ.

ဘၣ်ဆၣ်ဒီးတချုးတၢ်အကတၢၢ်ဟဲတုၤဒံးဘၣ်န့ၣ်, အလီၢ်အိၣ်လၢပှၤကဘၣ်ဒုးဟူထီၣ်သါလီၤတၢ်သးခု ကစီၣ်လၢပှၤကိးကလုာ်ဒဲးလီၤ.

ပှၤအါဂၤကဟဲဒီးကမၤအသးဒ်အမ့ၢ်ယၤအသိးဒီးကစံးဝဲလၢအမ့ၢ် ခရံာ်ဒီးကလီန့ၢ်လွဲန့ၢ်ပှၤအါဂၤအသးလီၤ.

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

မုၢ်နံၤမုၢ်သီတဖၣ်လၢတၢ်နးတၢ်ဖှီၣ်ဘၣ်ပှၤဝံၤအလီၢ်ခံန့ၣ်, မုၢ်ကခံးလီၤကွံာ်ဒီးလါအတၢ်ကပီၤကလီၤမၢ်ကွံာ်, ဆၣ်အိၣ်လၢမူကပိာ်လိၤတဖၣ်ကလီၤတဲာ်ဒီးတၢ်အစိ အကမီၤအိၣ်လၢမူကပိာ်လိၤတဖၣ်ကဘၣ်တၢ်မၤဟူးဝး ဆှဲးဆှိးအီၤလီၤ.