Populære bibelvers fra လံာ်လူၤကၣ် 19

Del

အဂ့ၢ်ဒ်အံၤ, ပှၤကညီဖိခွါဟဲဒ်သိးအကဃုန့ၢ်ဒီးအုၣ်က့ၤခီၣ်က့ၤ ပှၤလီၤမၢ်တဖၣ်လီၤ.”

“မ်ကစၢ်ယွၤဆိၣ်ဂ့ၤစီၤပၤလၢအဟဲလၢကစၢ်အမံၤတဂၤန့ၣ်တက့ၢ်. မ်တၢ်ဃူတၢ်ဖိးအိၣ်ဝဲလၢမူခိၣ်, ဒီးတၢ်လၤကပီၤဘၣ်ကစၢ်ယွၤတက့ၢ်.”

ယ့ၣ်ၡူးစံးဘၣ်အီၤ, “မုၢ်တနံၤညါအံၤ, တၢ်အုၣ်က့ၤခီၣ်က့ၤ ဟဲတုၤလံလၢဟံၣ်တဖျၢၣ်အံၤလံ. အဂ့ၢ်ဒ်အံၤပှၤတဂၤအံၤစ့ၢ်ကီးမ့ၢ် ဝဲစီၤအၤဘြၤဟၣ်အစၢၤအသွဲၣ်လီၤ.

ဖဲယ့ၣ်ၡူးဟဲတုၤလၢတၢ်လီၢ်အဝဲန့ၣ်, အဝဲဒၣ်ကွၢ်ထီၣ်တၢ်ဒီးစံးဘၣ်စီၤစးဃဲ, “စီၤစးဃဲဧၢ, ဟဲက့ၤလီၤချ့ချ့တက့ၢ်. အဂ့ၢ်ဒ်အံၤ, တနံၤအံၤယကဘၣ်လဲၤအိၣ်လၢနဟံၣ်လီၤ.” စီၤစးဃဲစံၣ်လီၤဝဲလၢအချ့ ဒီးတူၢ်လိာ်ခီၣ်ဆၢအီၤလၢတၢ်သးခုဖးဒိၣ် အပူၤလီၤ.

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

တုၤနုၤတစုပှၤဖၤရံၤၡဲတနီၤလၢပှၤဂီၢ်မုၢ်အကျါစံးဘၣ်ယ့ၣ်ၡူး, “သရၣ်ဧၢ, ခါလီၤနကလုၢ်ဒ်သိးနပျဲၢ်နဘီၣ်တဖၣ်ကအိၣ်ဘှီၣ်ကလာ်တက့ၢ်.” ယ့ၣ်ၡူးစံးဆၢဝဲ, “အဝဲသ့ၣ်မ့ၢ်အိၣ်ဘှီၣ်ကလာ်န့ၣ်, ယစံးဘၣ်သု, လၢၢ်တဖၣ်ကကိးပသူထီၣ်ဝဲလီၤ.”