Populære bibelvers fra 1 ကရံၣ်သူး 9

Del

ပှၤလိာ်ကွဲဖိကိးဂၤဒဲး, ဖဲအမၤလ့ၤအသးအဆၢကတီၢ်န့ၣ်, ဟ့ၣ်လီၤအသးဆူတၢ်ဒိကနၣ်ဃံးဃံးဒ်သိးအကဘၣ်တၢ်ဒုးကုာ် ထီၣ်အီၤဖီကွီၤလၢအတအိၣ်ကၢအိၣ်ခိးဘၣ်တကွီၤလီၤ. မ့မ့ၢ်ပဝဲသ့ၣ် တဖၣ် ပမၤပဝဲလၢဖီကွီၤတကွီၤလၢအအိၣ်ကၢအိၣ်ခိးလီၤထူလီၤယိာ် အဂီၢ်န့ၣ်လီၤ. လၢတၢ်န့ၣ်အဃိယဃ့ၢ်ယဲဒၣ်လိၤလိၤဆူဖီတၢၣ်အကတၢၢ်လီၤ. လၢတၢ်န့ၣ်အဃိယလီၤဂာ်ဒီးပှၤထိတၢ်ဖိတဂၤလၢအတထိ ဘၣ်ထဲကလံၤန့ၣ်ဘၣ်လီၤ.

ယမၤဆူၣ်မၤကိၤထီၣ်ယနီၢ်ခိခီဖျိတၢ်ထိတၢ်တီၢ်တဖၣ်ဒီး ကတဲာ်ကတီၤအီၤဒ်သိးအကအိၣ်လၢတၢ်ပၢၤဃာ်အီၤဃံးဃံး အဖီလာ်အဂီၢ်, ဒ်သိးဒီးယမၢဃီၤပှၤဆူတၢ်ပြၢဝံၤအလီၢ်ခံဒီး ယသုတဘၣ်တၢ်ညိကွံာ်ယၤတဂ့ၤအဂီၢ်န့ၣ်လီၤ.

သုသ့ၣ်ညါသုဝဲကစီဒီလီၤ. လၢတၢ်ဃ့ၢ်ပြၢတဘျီအပူၤန့ၣ်, ပှၤပြၢတၢ်ဖိအိၣ်ဝဲအါဂၤ, ဘၣ်ဆၣ်ဒီးပှၤဒိးန့ၢ်ဘၣ်ခိၣ်ဖးအိၣ်ဝဲထဲ တဂၤဧိၤလီၤ. မ့မ့ၢ်ဒ်န့ၣ်ဒီး ဃ့ၢ်သုဝဲဒ်သိးသုဒိးန့ၢ်ခိၣ်ဖးကသ့ဝဲ အဂီၢ်တက့ၢ်.

လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.